Seancë plenare, sot miratohet rritja e pagave për 130 mijë punonjës të administratës
Pas maskaradës që organizoi Kryeministri Edi Rama me rritjen e pagave, duke e përqendruar gjithë debatin në rritjen e pagës së deputetit, sot shqiptarët do të kuptojnë në seancë plenare, pak çaste para miratimit, se ndër përfituesit kryesor që punojnë shumë më pak se deputetët për të mirën e qytetarit, janë Kryeministri dhe Presidenti ndonëse nuk ishin pjesë e debatit të sisur mediatik për rritjen e pagave, ku pritet të përfitojnë 130.330 punonjës të administratës.
Me miratimin e Projektligjit për “Për disa ndryshime në ligjin nr. 9584, datë 17.07.2006, “Për pagat, shpërblimet dhe strukturat e institucioneve të pavarura kushtetuese dhe të institucioneve të tjera të pavarura, të krijuara me ligj”, të ndryshuar” dhe Projektligjit “Për kompetencat për caktimin e pagave, trajtimeve të tjera financiare dhe përfitimeve të të punësuarve në institucionet e administratës publike, si dhe të pagës bazë minimale në shkallë vendi”, si Pika 3. dhe 5, të Rendit të Ditës në seancën e sotme plenare do të kuptohet se, po, paga e deputetit, të cilin mediat nën kontrollin e Ramës e paraqiten si njeri kot, do të rritet për 153.480 lekë dhe do të jetë 310.250 lekë, por, paga e Kryeministrit do të rritet më shumë, për 164.395 lekë dhe do të jetë 393.125 lekë!
Ndërkohë, pensionistët, për të cilët ka edhe njerëz që janë të shqetësuar, Kryeministri Edi Rama ka mbaruar punë që para zgjedhejeve të 14 majit duke i blerë me gjithë votën e tyre me 5.000 lekë!
Ndryshe, nga Projektligji për rritjen e pagave, ka sqaruar ministrja e Financave, Delina Ibrahimaj, në komisionet parlamentar se do të përfitojnë 130.330 punonjës të administratës ndërsa shtoi se do të preken edhe 250 funksionarë politikë që e kanë pagën të lidhur me presidentin.
Politika e rritjeve të pagave shtrihet në dy vite ndërsa kostoja totale e kësaj politike më 1 janar 2025 shkon 39 miliardë lekë. Prej të cilave 1 miliardë lekë përllogaritet efekti financiar i zbatimit të vendimit të Gjykatës Kushtetuese për vitin 2023.
Kështu, seanca e sotme plenare do të ketë Rend të Ditës:
