Seancë plenare, sot mocion me debat pë Integrimin Europian

Mocioni me debat për Integrimin Europian është Pika 3. e Rendit të Ditës dhe e vetmja që mund t’ju shërbej qytetarëve shqiptar, ku kanë dhe rastin të dëgjojnë pse PPP-të korruptive dhe së fundi Porti i ri i Durrësit bien ndesh jo vetëm me ekonominë shqiptare por dhe ligjet evropiane me të cilat Shqipëria obligohet edhe nga Marrëveshja e Stabilizim Asocimit që ka firmosur me BE.

Pas këtij debati prej 4 orësh, siç është parashikuar me Rendin e sotëm të Ditës me 14 Pika, shqiptarët do të kenë rastin të shohin se pse do ketë ndryshim të marrëveshjes për ndërtimin e segmentit Qukës-Qafë Plloçë – si pjesë e korridorit rrugor Tiranë-Korçë, pse kur quhesh Olta Xhaçka dhe je ministre, bashkëshorti ka mundësi të konsiderohet biznesmen strategjik dhe i shmangesh konfliktit të interesit, dhe në fund, pse edhe sot shpërdorohet lufta në Ukrainë kur pritet të miratohet Akti normativ “Për marrjen e masave të veçanta gjatë kohëzgjatjes së gjëndjes së emergjencës në furnizimin me energji elektrike”.

Ndryshe, seanca e sotme plenare ka këtë Rend të Ditës:

Në mbështetje të Urdhrit nr. 87, datë 15.11.2022 të Kryetares së Kuvendit, znj. Lindita Nikolla, rendi i ditës është si më poshtë vijon:

1. Miratimi i procesverbalit të seancës plenare të datës 9.11.2022.

(Neni 44, pika 2 e Rregullores)

2. Njoftime.

(Neni 44, pika 3 e Rregullores)

3. Mocion me debat për Integrimin Europian

(Neni 48/3 i Rregullores së Kuvendit)

Diskutime – jo më shumë se 4 orë.

4. Projektligj “Për ratifikimin e marrëveshjes ndryshuese të marrëveshjes Istisna’a dhe të marrëveshjes ndryshuese të marrëveshjes së Agjencisë Istisna’a, ndërmjet Këshillit të Ministrave të Republikës së Shqipërisë dhe Bankës Islamike për Zhvillim, për ndërtimin e segmentit Qukës-Qafë Plloçë, si pjesë e korridorit rrugor Tiranë-Korçë, ratfikuar me ligjin nr. 128/2013.”

5. Projektligj “Për miratimin e buxhetit faktik të vitit 2021”. (Neni 164 i Kushtetutës dhe nenet 55 dhe 73-77 të Rregullores, shumicë e thjeshtë votash për miratim)

6. Akt normativ nr. 13 “Për miratimin e tekstit të amendimit të katërt në marrëveshjen për prodhimin dhe furnizimin nga dhe ndërmjet Pfizer Export B.V. dhe Ministrisë së Shëndetësisë dhe Mbrojtjes Sociale të Shqipërisë, Ministrit të Shtetit për Rindërtimin dhe Institutit të Shëndetit Publik, miratuar me aktin normativ nr. 3, datë 18.1.2021, të ndryshuar”.

7. Akt normativ nr. 14, datë 5.10.2022 “Për marrjen e masave të veçanta gjatë kohëzgjatjes së gjëndjes së emergjencës në furnizimin me energji elektrike”.

8. Projektligj “Për disa shtesa dhe ndryshime në ligjin nr.133/2015, “Për trajtimin e pronës dhe përfundimin e procesit të kompensimit të pronave”.

9. Projektligj “Për disa shtesa dhe ndryshime në ligjin nr.12/2018, “Për vlerësimin kalimtar dhe periodik të punonjësve të policisë së shtetit, gardës së Republikës dhe shërbimit për çështjet e brendshme dhe ankesat në Ministrinë e Brendshme”, të ndryshuar.

10. Raportet e Këshillit për Rregulloren, Mandateve dhe Imunitetit me objekt konstatimin e pavlefshmërisë dhe mbarimit të mandatit të deputetes znj. Olta Xhaçka.

11. Projektvendim “Për një ndryshim në vendimin Nr. 36/2020 “Për miratimin e strukturës, organikës dhe nivelit të pagave për akademinë e shkencave në Republikën e Shqipërisë”.

12. Projektvendim “Për miratimin e strukturës, organikës dhe kategorizimit të pozicioneve të punës të Autoritetit të Mediave Audiovizive (AMA)”.

13. Projektvendim “Për një ndryshim në Vendimin nr. 69/2021”Për caktimin e anëtarësisë së komisioneve të përhershme të Kuvendit””, i ndryshuar.

14. Diskutime për çështje jashtë rendit të ditës (60’).