Seancë plenare, sot ratifikohet Marrëveshja për lehtësimet doganore me Kosovën
Seanca e sotme plenare e Parlamentit ë Shqipërisë ndonëse me 11 Pika të Rendit të Ditës, me vëmendje të veçantë pritet miratimi i Projektligjit “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Kosovës, për zbatimin e lehtësirave të ndërsjella në
procedurat doganore dhe/ose të kontrollit të hyrje-daljes së mallrave” ku më në fund shqiptarët mund ta shohin edhe fundin e degradimit të dinjitetit të tyre kombëtar ndërsa kalojnë në kufirin shqiptaro-shqiptar.
Ministrja e Bujqësisë dhe Zhvillimit Rural do të paraqitet sot në interpelancë për masat mbështetëse përmes fondeve të Programit të Zhvillimit Rural 2022 dhe Projektin për vaditjen e Divjakës dhe më gjerë, por ajo nuk është kërkuar nga opozita por nga deputeti i mazhorancës, Erion Braçe ndonëse pritej një sqarim i saj për madhështinë që fliste kjo ministre nga Beogradi për shtetin serb.
Në fund, jo më pak e rëndësishme është dhe miratimi i Projektvendimit “Për disa shtesa dhe ndryshime në vendimin e Kuvendit nr. 95/2016 “Për miratimin e strukturës, organikës dhe klasifikimit të pagave të personelit të Autoritetit për Informimin mbi Dokumentet e Ish – Sigurimit të Shtetit”, por, pse mungon vëmendja, kjo është përgjegjësi e opozitës e cila po ndihmon socialistët në pushtet që të degradojnë institucionin e dytë me radhë në zbardhjen e të vërtetës së krimeve të regjimit komunist.
Ndryshe, seanca e sotme plenare ka këtë Rend të Ditës:
