Seancë plenare, sot rilindasit emërojnë sejmenët për të hetuar Dick Martyn

Sot seanca plenare e Parlamentit të Shqipërisë ndonëse me 9 Pika të Rendit të Ditës nga shumica parlamentare është përqëndruar tek Pika 8. përkatësisht Projektvendimi “Për miratimin e përbërjes së komisionit të posaçëm të Kuvendit “Për administrimin e dokumentacionit dhe hartimin e një raporti përmbledhës dhe informues mbi gjetjet dhe konkluzionet që
kanë nxjerrë verifikimet e kryera nga institucionet përkatëse në Shqipëri mbi çështjet e raportit të anëtarit të Asamblesë Parlamentare të Këshillit të Europës Dick Marty mbi bashkëpunimin dhe rolin për të cilin pretendohet se kanë luajtur, përfaqësues politikë shqiptarë ose institucione publike shqiptare, nëpërmjet veprimeve dhe mosveprimeve, në ndihmë të së ashtuquajturës veprimtari kriminale e drejtuesve të
Ushtrisë Çlirimtare të Kosovës në territorin e Republikës së Shqipërisë”.

Mësohet se Komisioni do të drejtohet nga Ulsi Manja ndërsa 9 anëtarët tjerë janë: Alket Hyseni, Klotilda Bushka, Adnor Shameti dhe Ermonela Felaj, Elena Xhina, Myslim Murrizi, Edmond Stojku dhe Enver Roshi.

Ndryshe, më 26 nëntor Parlamenti i Shqipërisë miratoi me 83 vota për, 10 kundër dhe 10 abstenim kërkesën e rilindasve për ngritjen e Komisionit të Posaçëm Parlamentar, i cili do hetojë raportin e Dick Marty mbi krimet kundër nerëzimit gjatë luftës nga UÇK-së. Kjo lojë politike e rilindasve erdhi disa ditë pasi në Gjykatën e Hagës janë dërguar me akuza për krime lufte ish-udhëheqësit e UÇK-së.