Seancë plenare, sot viktimat e patronazhistëve do ta kuptojnë pse terrorizohen nga shteti!

Sot seanca plenare e Parlamentit të Shqipërisë me 11 Pika të Rendit të Ditës për shqiptarët ka zgjuar interes me Pikën 5 të Rendit të Ditës ku pritet Raporti i veprimtarisë vjetore të Komisionerit për të Drejtën e Informimit dhe Mbrojtjen e të Dhënave Personale për vitin 2020 dhe Pikën 8, Raporti i veprimtarisë vjetore të Autoritetit për të Drejtën e Informimit mbi Dokumentet e ish Sigurimit të Shtetit për vitin 2020, ndonëse Pika 6 ku pritet Raporti i veprimtarisë vjetore të Komisionit të Prokurimit Publik për vitin 2020 do të kishte zgjuar interes në çdo shtet normal.

Interesi për Pikën 5 të Rendit të Ditës ndoshta mund të arsyetohet pas publikimit në media të të dhënave të 910 mijë votuesve që mbikqyren nga patronazhistët e Partisë Socialiste, por Raport i veprimtarisë vjetore të Komisionerit për të Drejtën e Informimit dhe Mbrojtjen e të Dhënave Personale për vitin 2020 nga një Komisioner militant i kësaj partie kriminale që menaxhon të dhënat konfidenciale të qytetarëve shqiptarë, patjetër që do të përfundoj me një zhgënjim edhe më të madh se sa ai kur u publikuan këto të dhëna, kur të konstatojnë se shteti vazhdon ti terrorizoj dhe të tallet si me të dhënat ashtu dhe vetë qytetarët që ishin dhe janë viktimë e spiunëve ordiner që Kryeministri Edi Rama i ka pagëzuar: Patronazhist!

Ndërsa Raporti i veprimtarisë vjetore të Autoritetit për të Drejtën e Informimit mbi Dokumentet e ish Sigurimit të Shtetit për vitin 2020 si Pikë e 8 e Rendit të Ditës do të dëshmoj edhe në vitin e radhës se sa i vetmuar dhe i papërfillshëm është ky Autoritet nga klasa politike shqiptare.

Kështu, sot seanca plenare ka këtë Rend të Ditës: