Seancë plenare, sot votohen anëtarët e Komisioneve Parlamentare

Pas kaosit në seancën e 18 shtatorit, ku Kryeministri Edi Rama vendosi ta mbyll seancën vetëm pas 27 minutave duke miratuar Qeverinë e re e cila nuk prezantoi as Programin, sot Parlamenti i Ramës mblidhet në orën 10:00 për të votuar përbërjen e kryetarëve dhe anëtarëve të Komisioneve Parlamentare.

Deri më sot, në Parlament janë miratuar vetëm kryetarët dhe nënkryetarët e propozuar nga Partia Socialiste, ndërsa në mungesë të përfaqësuesve të opozitës ishte bllokuar plotësimi i Komisioneve tjera.

Dje, Partia Demokratike ka dorëzuar emrat për katër Komisionet Parlamentare që i takojnë për t’i drejtuar, që priten të miratohen sot.

Ndërsa nënkryetarët për komisionet që drejtohen nga mazhoranca, PD i kishte përcaktuar më herët por nuk i kishte depozituar zyrtarisht në Parlament për shkak të kundërshtimit të Rregullores së re e cil au miratuar pa dakordësimin e Partisë Demokratike!

Komisionet Parlamentare që ka miratuar Edi Rama dhe pritet të zyrtarizohen sot, ku 7 do të drejtohen nga mazhoranca dhe 4 nga opozita janë:

Komisioni për Ekonominë, Punësimin dhe Financat

Komisioni për Çështjet Ligjore dhe Administratën Publike

Komisioni për Çështjet e Brendshme dhe Mbrojtjen

Komisioni për Edukimin, Shkencën dhe Sportet

Komisioni për Shëndetësinë dhe Mirëqenien Sociale

Komisioni për Burimet Natyrore, Infrastrukturën dhe Zhvillimin e Qëndrueshëm

Komisioni për të Drejtat e Njeriut dhe Mjetet e Informimit Publik

Komisioni për Bujqësinë, Ushqimin dhe Zhvillimin Rural

Komisioni për Kulturën, Turizmin dhe Diasporën

Komisioni për Europën dhe Punët e Jashtme

Komisioni për Nismat Qytetare, Bashkëpunimin dhe Mbikëqyrjen Institucionale

Ndryshe, seanca e sotme plenare ka këtë Rend të Ditës:

Seancë Plenare
E mërkurë, 24 shtator 2025, ora 10.00
Rendi i Ditës
Në mbështetje të urdhrit nr.9, datë 22.9.2025 të Kryetarit të Kuvendit, Z. Niko Peleshi, rendi i ditës është si më poshtë vijon:

1. Miratimi i procesverbalit të seancave plenare të datës 16.9.2025 dhe të seancës plenare të dates 18.9.2025.
(Neni 44, pika 2, të Rregullores së Kuvendit)

2. Njoftime
(Neni 44, pika 3, të Rregullores së Kuvendit)

3. Projektvendimi “Për caktimin e përbërjes së komisioneve të përhershme të Kuvendit”.
(Neni 21 i Rregullores së Kuvendit)

4. Projektvendimi “Për caktimin e anëtarëve zëvendësues në përbërjen e komisioneve të përhershme të Kuvendit”.
(Neni 21/1 i Rregullores së Kuvendit)