Seancë plenare, sot votohet ngritja e dy Komisioneve Hetimore

Seanca e sotme plenare si seanca e parë pas marrëveshjes së arritur mes PD dhe PS për t’ju rikthyer normalitetit të jetës parlamentare, ndonëse me 15 Pika të Rendit të Ditës pritet me interes të veçantë për miratimin e dy Komisioneve Hetimore ku sot mazhoranca bënë të ditur edhe emrat derisa opozita i ka bërë publik një ditë më parë.

Kështu si Pikë e 8 e Rendit të Ditës është parashikuar miratimi i Projektvendimit për ngritjen e Komisionit Hetimor për Shërbimin Publik të Sterilizimit dhe Shërbimit Publik të Check-Up në Shëndetësi, ndërsa Pikë e 9 e Rendit të Ditës është miratimi i Projektvendimit për ngritjen e Komisionit Hetimor për Trajtimin e të Dhënave të Sistemit TIMS.

Partia Demokratike dje ka bërë publike emrat e Komisionit Hetimor për Shërbimin Publik të Sterilizimit dhe Shërbimin Publik të Check-Up në Shëndetësi: Albana Vokshi- kryetare, Zheni Gjergji, Ina zhupa
Edmond Spaho, Sajmir Korreshi, Petrit Vasili; Zëvendësues Ilda Dhori/ Emilia Koliqi; Dhe, Komisionit Hetimor për Trajtimin e të Dhënave të Sistemit TIMS: Ervin Saljanji – kryetar, Ramadan Lika, Lefter Geshtenja, Xhelal Mziu, Elda Hoti, Luan Baçi dhe Asllan Dogjani.

Ndërkohë Partia Socialiste ka bërë të ditur se Nënkryetar i Komisionit Hetimor për Shërbimin Publik të Sterilizimit dhe Shërbimin Publik të Check-Up në Shëndetësi do jetë Plarent Ndreca, ndërsa Nënkryetar i Komisionit Hetimor për Trajtimin e të Dhënave të Sistemit TIMS, Toni Gogu, ndërsa emrat tjerë do bëhen publik sot në seancë

Seanca e sotme plenare ka këtë Rend të Ditës:

Ndryshe, nga muaji tetori vitit 2023 Partia Demokratike ka protestuar në parlament duke kërkuar rikthimin në normalitet të jet parlamentare me kushtëzimin e ngritjes së tetë Komisioneve Hetimore dhe rolin në Komisionin për Reformën Zgjedhore që i garanton Rregullorja e funksionimit të Kuvendit e miratuar me urdhër të Kryeministrit të Shkodrës, Himarës dhe gjithë Shqipërisë, Edi Rama.