Seancë plenare, sot vuloset dështimi i “Hapjes Dosjeve”, dashuria Rama-Basha në prag divorci
Seanca e sotme plenare ndonëse me shtatë pika të rendit të ditës, vëmendje të madhe për opinionin publik ka zgjuar Pika 6. Projektligj “Për një ndryshim në ligjin nr.45/2015 “Për të Drejtën e Informimit për dokumentat e Ish-Sigurimit të Shtetit të Republikës Popullore Socialiste të Shqipërisë”, të ndryshuar, edhe pse deputetët socialistë u shprehën qartë në Komisionin e Ligjeve se janë kundër hapjes së dosjeve për të gjitha kategoritë, siç u pretendua nga deputetët e Lulzim Bashës!
Kështu, pretendimi i deputetëve mbështetës të Lulzim Bashës se janë të gatshëm të bashkëpunojnë me të gjithë, qofshin ata dhe socialistë e Kryeministri Edi Rama, për të hapur dosjet e Sigurimit të Shtetit, dëshmoi dhe një herë injorancën politike që ata kanë për dhunti ndërsa vazhduan ti besojnë Edi Ramës si për Hapjen e Dosjeve ashtu dhe Reformën Territoriale; Nga ana tjetër shkatërruan forcën politike që përfaqësojnë në parlament, Partinë Demokratike, duke akuzuar Sali Berishën me ato që nxjerr nga goja Edi Rama që nga viti i zi 1997, dhe së fundi edhe dje duke ndërsyer shqiptarët kundër PD me SHIK-un dhe shiksat.
Meqë debati për Reformën Territoriale ende nuk ka poshtëruar këtë grup deputetësh si me Hapjen e Dosjeve ndërsa vazhdojnë të ndjekin politikën e dështuar të Lulzim Bashës, dështimi i sotëm me Hapjen e Dosjeve mund të konsiderohet vetëm prag divorci me këtë politikë Rama-Basha që shkatërroi opozitën, shtetin dhe gjithçka që u ndërtua me djersë dhe gjak për 100 vjet në këtë vend.
Kështu, seanca e sotme plenare ka këtë Rend të Ditës:
