Seancë plenare, të korruptuarit sot votojnë Komisionin e Posaçëm Antikorrupsion

“Nuk mund ta bëjë qeveria këtë gjë prandaj po marrim një iniciativë të tillë në Parlament”, ishte ky arsyetimi në mbledhjen e Konferencës së Kryetarëve i kreut të Grupit Parlamentar të Partisë Socialiste, PS, Bledi Çuçi, ndonëse si drejtues i deputetëve të mazhorancës më të korruptuar në historinë e tranzicionit është i bindur se miratimi i Projektrezolutës “Për thellimin e reformave për mirëqeverisjen, sundimin e
ligjit dhe antikorrupsionin për Shqipërinë 2030 në Bashkimin Europian” në seancën e sotme plenare dhe ngritja e Komisionit të Posaçëm, është i domosdoshëm.

“Nuk mund ta bëjë qeveria këtë gjë prandaj po marrim një iniciativë të tillë në Parlament. Qeveria është një nga institucionet që do të raportojë për mirëqeverisjen dhe luftën kundër korrupsionit. S’ka asnjë merak për mbivendosje kompetencash nga Këshilli i Integrimit Europian apo komisionet e tjera.

Procesi Screening është burimi kryesor që na çon në marrjen e kësaj iniciative duke e shpallur prioritet luftën kundër korrupsionit dhe mirëqeverisjen. Pa diskutim që mazhoranca ka barrën kryesore sepse i është deleguar sovraniteti nga qytetarët, por ne kemi kërkuar gjithëpërfshirje në Parlament për ta udhëhequr këtë iniciativë,” tha Bledi Çuçi për Rezolutën e cila pritet të miratohet sot në parlament duke pasur parasysh se miratimi i saj edhe pse do të votohet pas një debati që pritet të zhvillohet me akuza dhe kundërakuza me opozitën ,është parashikuar të bëhet me shumicë të thjeshtë.

Kështu seanca e sotme plenare ka këtë Rend të Ditës:

Ndryshe, ende nuk është e qartë se si do ta luftoj Parlamenti korrupsionin prej miliarda eurove të Qeverisë dhe nuk ka shqiptarë në botë që e kupton, por, falë Zotit nuk e kanë kot Kryeministrin e Athinës, Milanos dhe gjithë Shqipërisë, Edvin Kristaq Rama që shikon se kush i këput molla e dardhë vetëm përpara dhe jo pas shpine!