Sekretari i Përgjithshëm i Kryeministrisë në SPAK: U thirra për inceneratorin e Tiranës!

Sekretari i Përgjithshëm i Kryeministrisë, Engjëll Agaçi sot u thirr në SPAK.

Pas qëndrimit për rreth katër orë, Engjëll Agaçi bëri të ditur se u thirr për Inceneratorin e Tiranës ndërsa shtoi se të gjithë duhet të jenë në dispozicion të drejtësisë.

“U thirra për inceneratorin e Tiranës. Mendoj se ky nuk duhet të krijojë një lajm. Duhet të jemi në dispozicion të organeve të drejtësisë. Falemiderit!” tha Engjëll Agaçi duke ju bashkuar sfilatës së zyrtarëve të lartë të qeverisë së Edi Ramës që dëshmojnë për 130 milionët e inceneratorit të Tiranës që nuk ekziston, duke dhënë mesazhe inkurajimi për Pokurorinë e Posaçme pas marrjes në pyetje nga BKH, por, jo duke dhënë përgjegjësi para këtij institucioni që deri më sot nuk ka arrestuar asnjë ministër në detyrë përkundër korrupsionit dhe vjedhjeve sheshit.