Sekretari i shkarkuar i PD kallëzim në SPAK, tani fjalën e ka Edi Rama!

Pas pamjeve të dëshpëruara të Kryesisë së shkarkuar dhe përpjekjes për të mbajtur një Këshill të ligjshëm Kombëtar, sot Sekretari i Përgjithshëm i shkarkuar i PD ka kallëzuar pranë SPAK deputetët Belind Këlliçi, Edmond Spaho, Albana Vokshi, Ivi Kaso dhe Ervin Minarolli për “Falsifikimi i vulave, i stampave ose i formularëve” i kryer në bashkëpunim, parashikuar nga Neni 190 paragrafi i 2 dhe 25 i Kodit Penal”.

Meqë baza ligjore e këtij kallëzimi penal është një idiotizëm i gjallë me Nene “Për organizimin dhe funksionimin e institucioneve për të luftuar korrupsionin dhe krimin e organizuar” dhe Nene të Statutit të miratuar në Kuvendin e 17 Korrikut që vetë Oert Bylykbashi e pranoi se nuk është dorëzuar ende në Gjykatë, tani fjalën e ka kreu i bashkëqeverisjes, Edi Rama.

Ndryshe, zyra e shtypit të PD ka sqaruar:

“Bëhet fjalë për veprën penale të “Falsifikimi i vulave, i stampave ose i formularëve” i kryer në bashkëpunim, parashikuar nga Neni 190 paragrafi i 2 dhe 25 i Kodit Penal”” thekson njoftimi duke shtuar:

“Në kallëzim drejtuar SPAK-ut thuhet se këta janë përsona që kane patur funksione në PD, kanë dijeni për rregullat e Statutit, dhe e kanë kryer veprën penale të përdorimit të vulës dhe simboleve për të realizuar qëllimet e tyre, pavarësisht se ishin në dijeni të pasojave ligjore. PD e ka depozituar kalëlzimin në SPAK, pasi 3 nga të kallëzuarit janë deputetë të Kuvendit të Shqipërisë.“