Sekuestrimi i pasurive të tre ish-gjyqtarëve të lartë, Ambasadorja SHBA: Hap pas hapi…

Pas vendimit të Gjykatës së Posaçme për të sekuestruar pasuritë e tre ish-gjyqtarëve të lartë që nuk kaluan vettingun për mosdeklarim të pasurisë, ka reaguar Ambasadorja e SHBA, Yuri Kim, duke theksuar se Reforma në Drejtësi po ecën përpara, hap pas hapi.

“Gjykata speciale pranoi kërkesën e SPAK për sekuestrimin e pasurive të dy ish-gjyqtarëve të Gjykatës Kushtetuese dhe një ish-gjyqtari të Lartë të Gjykatës së Lartë, të cilët dështuan të verifikojnë për fshehjen e pasurive,” shkruan Ambasadorja Yuri Kim në reagimin e saj përmes rrjetit social Twitter duke përfunduar.

“Reforma në Drejtësi nuk do të jetë e shpejtë, e lehtë ose e përsosur, por po ecën përpara, hap pas hapi.”

Ndryshe, pas kërkesës së SPAK, bazuar në hetimet për fshehje pasurie ndaj tre ish-gjyqtarëve të lartë, Gjykata e Posaçme e Shkallës së Parë për Korrupsionin dhe Krimin e Organizuar vendosi të sekuestroj pasuritë e tre ish-gjyqtarëve të lartë: Ish-Kryetarit të Gjykatës Kushtetuese, Bashkim Dedja, Ish-Anëtarit të Gjykatës Kushtetuese, Fatos Lulo, dhe Ish-Anëtarit të Gjykatës së Lartë Shkëlzen Selimi.