Sekuestrohen 2 ton kokainë në Kosovë, vlera 6 miliardë euro

Sekuestrohen 2 ton e 200 kg kokainë në Kosovë që nga ekspertët vlerësohet 6 miliardë euro me çmimin e tregut. Kjo sasi rekord është kapur në një kamion të kuq me mish, me targa 01 263 OD, pas një super-aksioni të kryer në bashkëpunim mes forcave policore italiane, shqiptare e kosovare të cilat janë sinjalizuar nga DEA amerikane.

Kamioni ka kaluar nga porti i Durrësit dhe kishte një ngarkesë me mish. SPAK ishte sinjalizuar për ngarkesën e dyshimtë, që do të vinte nga Italia, dhe kishte mbajtur në vëzhgim kamionin prej 10 ditësh. Autoritetet shqiptare do të ndërhynin vetëm nëse do të kishte tentativa për të marrë ngarkesën brenda territorit të Shqipërisë, por një gjë e tillë nuk ka ndodhur, pasi mjeti ka vijuar rrugën drejt Kosovë, ku dhe mësohet të ketë pas destinacionin.