Sekuestrohet gjysmë ton kokainë, vlera 200 mln euro

Më shumë se gjysmë toni kokainë është kapur nga policia italiane. Mediat në Itali raportojnë se në Portin e Genovas janë sekuestruar 538 kg kokainë.

Forcat e antimafias dhe antidrogës, në bashkëpunim edhe me policinë doganore, pas hetimeve dhe kontrolleve të detajuara, kanë sekuestruar lëndën narkotike. Vlerësohet se kokaina e sekuestruar do të sillte për organizatat kriminale një përfitim prej mbi 200 milionë euro.

“Tolerancë zero ndaj natkotrafikantëve e mafies,” është shprehur ministri i Brendshëm i Italisë, Matteo Salvini, i cili ka falënderuar forcat e policisë për këtë operacion të suksesshëm.