Sëmundja e gjuhës blu mbërrin në Itali

Italia ka shënuar rastet me sëmudjen e gjuhës blu, tek delet, viçat dhe devetë, ka bërë të ditur sot Organizata botërore për shëndetin e kafshëve, WOAH, por lloji i virusit ndryshon nga ai që me shpejtësi po përhapet nëpër Evropën Qendrore.

Italia ka raportuar se ka konfirmuar shfaqjen e virusit të tipit BTV8 tek një deve, gjashtë dele dhe 4.540 viça, shumica prej tyre në Sardegna, ka bërë të ditur WOAH, duke ju referuar autoriteteve italiane.

Ndërkohë WOAH ka raportuar këtë sëmundje në Portugali, në një fermë në qytetin Torre dos Coelheirosu, ku janë infektuar rreth 15 dele, ndërsa raportohet se njëra ka ngordhë.

Nuk është rrezik për njerëzit

Sëmundja e gjuhës blu është shfaqur në muajin tetor të vitit të kaluar në Holandë, ndërsa u zgjerua në Belgjikë, Gjermani dhe Çeki, e cila ka raportuar se një dash i infektuar ka treguar simptomet tipike të sëmundjes, duke përfshirë ethet, sekrecione nga hundët, vështirësi në frymëmarrje dhe humbje të oreksit. Autoritetet veterinere kanë vendosur rreth fermës një zonë kufizimi me rreze rreth 150 kilometra.

Në Evropë sot qarkullon varianti i ri i tipit BTV3, raporton Agjencia e lajmeve Reuters. Virusi nuk është i rrezikshëm për njerëzit. Transmetohet nga mushkonjat, dhe kryesisht shpërndahet ndër dele dhe viça. Ndaj këtij virusi janë të ndjeshme edhe llamat, alpakat, dhitë dhe ripërtypësit e egër.

Niveli i duhur i mbrojtjes nga sëmundja mund të arrihet me vaksinim, raporton Agjencia gjermane e lajmeve DPA.