Seancë plenare, sot Projektligji për Buxhetin 2022, debat me epilog të paracaktuar!

Sot seanca plenare e Parlamentit të Shqipërisë ndonëse me 7 Pika të Rendit të Ditës, me interes të veçantë pritet vetëm Pika e fundit ku do të shqyrtohet Projektligji i Buxhetit 2022. Edhe sot, kjo Pikë e Rendit të Ditës pritet të përcillet me debate të ashpëra por që epilogu është i paracaktuar pasi miratimi i këtij Projektligji është i pashmangshëm pasi bëhet me shumicë të thjeshtë.

Ndërkohë Pika 3, 4, 5 dhe 6 gjithashtu shumë të rëndësishme për mirëqenien e qytetarëve sot, bazuar në mendësinë qytetare që për fat të keq vazhdon dhe sundon në tokën shqiptare, kanë zgjuar interes vetëm për biznesin i cili përveç se është i interesuar për nivelin e taksave ose akcizës, më i interesuar vazhdon të jetë për evazion fiskal.

Kështu, Projektligj “Për një shtesë dhe disa ndryshime në ligjin nr. 92/2014 “Për tatimin mbi vlerën e
shtuar në Republikën e Shqipërisë” të ndryshuar””; Projektligj “Për disa shtesa në ligjin nr. 9975, datë 28.7.2008 “Për taksat kombëtare”; Projektligj “Për një ndryshim në ligjin nr. 8438, datë 28.12.1998 “Për tatimin mbi të ardhurat” të
ndryshuar””; Dhe, Projektligj “Për disa ndryshime dhe shtesa në ligjin nr. 61/2012 “Për akcizat në Republikën e
Shqipërisë” të ndryshuar”” pritet të miratohen në seancën e sotme plenare.

Ndryshe, seanca e sotme plenare ka këtë Rend të Ditës: