Senati i SHBA bllokon ndihmën për Ukrainën dhe Izraelin, Schumer: Do ketë pasoja për shekullin XXI!
Me 51 vota kundër dhe 49 vota për, Senati Amerikan bllokoi miratimin e Paketës së re të ndihmës për Ukrainën dhe Izraelin me vlerë 110.5 miliardë dollarë, ku republikanët i qëndruan besnik kërkesës së tyre për kontroll më të rreptë të emigracionit në kufi me Mexicon.
Shtëpia e Bardhë dhe demokratët e Presidentit Biden edhe kësaj radhe dështuan me propagandën e tyre për pasigurinë e së ardhmes për Ukrainën si dhe gatishmërinë e Presidentit amerikan për kompromise, kur rezultati nuk ishte i ngushtë pavarësisht se të gjithë senatorët republikan ishin kundër sepse për miratimin e këtij Projekt-ligjit duheshin 60 vota nga 100 sa ka Senati.
Përveç senatorëve republikanë, edhe senatori i pavarur Bernie Sanders, kishte shprehur rezerva më herët se legjislacioni përfshinte miliarda ndihmë ushtarake për Izraelin.
“Unë nuk besoj se duhet të përvetësojmë mbi 10 miliardë dollarë që qeveria ekstremiste e djathtë e Netanyahu të vazhdojë qasjen e saj aktuale ushtarake,” tha Sanders, duke iu referuar fushatës së vazhdueshme të kryeministrit izraelit Benjamin Netanyahu në Rripin e Gazës, e cila deri më tani. vrau mijëra civilë ndërsaoi shtoi:
“Ajo që po bën qeveria Netanyahu është e pamoralshme, është në kundërshtim me të drejtën ndërkombëtare dhe Shtetet e Bashkuara nuk duhet të jenë pjesëmarrëse në ato veprime”.
Lideri i demokratëve në Senat, Chuck Schumer, gjithashtu votoi kundër në mënyrë që të ketë mundësi të bëjë kërkesën për rishqyrtim të sërishëm. Pas votimit, demokrati Schumer tha se “ky është një moment serioz që do të ketë pasoja të përhershme për shekullin XXI, duke rrezikuar rënien e demokracisë perëndimore”.
“Votimi i sotëm është ajo që duhet në mënyrë që lideri demokrat të kuptoj se republikanët në Senat mendojnë atë që thonë. Atëherë votojmë. Dhe në fund fillojmë të poltësojmë prioritetet e sigurisë kombëtare amerikane, duke përfshirë dhe ato në shtëpi,” tha lideri republikanëve në Senat, Mitch McConnell.
Ndryshe, republikanët dhe demokratët në Kongres me muaj po negociojnë se si ti përgjigjen presidentit demokrat Joe Biden për miliarda dollar financime për Ukrainën në luftën kundër pushtuesit rus, Izraelit pas sulmeve të militantëve të Hamasit më 7 tetor, interesave amerikane në Indo-Paqësor dhe ndihmave humanitare ndërkombëtare.
Para këtij votimi, Presidenti i SHBA, Joe Biden, ndonëse kishte shpërfillur kërkesat republikane vazhdoi me demagogjinë se ishte i gatshëm të bënte kompromise të rëndësishme në kufi në mënyrë që të miratohej projektligji i ndihmës.
“Kjo nuk mund të presë. Republikanët në Kongres janë të gatshëm t’i japin Putinit dhuratën më të madhe që ai mund të shpresonte.”
Dhe, meqë kjo rezultoi vetëm demagogji komuniste dhe asgjë tjetër, votimi në Senat i kthen ligjvënësit amerikanë përsëri në tryezën e negociatave, vetëm disa ditë para se të caktoj Kongresi pushimet dimërore.
