Senati refuzon David Kostelancik si Ambasador të SHBA në Shqipëri

Senati ka refuzuar kandidaturën e propozuar nga Presidenti amerikan Joe Biden, për Ambasadorin e ri të SHBA në Shqipëri, David Kostelancik.

David Kostelancik u emërua si Ambasador i Shteteve të Bashkuara në Tiranë nga Presidenti i SHBA më 24 Janar të vitit 2023, kështu që pas rrëzimit të kandidaturës nga Senati, Presidentit Biden i mbetet të propozojë një tjetër emër.

Ndryshe, David Kostelancik ka shërbyer në Shqipëri në periudhën 1992-1994, si përfaqësuesi i parë për çështjet politike dhe ekonomike në Ambasadën e porsahapur amerikane në Tiranë. Para emërimit si ambasador, ai shërbente si Këshilltar për Politikë të Jashtme i Shefit të Shtatmadhorisë amerikane, Gjeneralit Mark Milley.

David Kostelancik është një diplomat me një karrierë 30-vjeçare, i cili ka shërbyer dy herë në Ambasadën amerikane në Moskë, në misionet e SHBA në OSBE dhe NATO, si dhe në Ankara të Turqisë.