Serbët në protestë, QKM: Qytetarët të mos udhëtojnë drejt Merdares!

Qendra Kombëtare për Menaxhim Kufitar, QKM, ka kërkuar nga qytetarët që të shmangin për sot udhëtimin drejt pikës kufitare në Merdare duke rekomanduar pikat tjera kufitare.

“Njoftohen të gjithë qytetarët të cilët planifikojnë të udhëtojnë përmes Pikë Kalimit Kufitar në Merdarë, se në pjesën e Serbisë, për sot janë paralajmëruar protesta dhe bllokim të rrugëve, prej orës 12:00-15:00.” thuhet në njoftimin e QKM përmes rrjetit social Facebook duke përfunduar: 

“Ju inkurajojmë që të përdorni pikat tjera kufitare për qarkullim.”

Ndryshe, serbët që pretendojnë se janë zhvendosur nga Kosova kanë paralajmëruar bllokim të rrugës drejt Kurshumlisë. Ky bllokim vlenë për të gjitha automjetet që lëvizin përmes Merdares drejt Kurshumlisë, Nishit, Beogradit dhe Suboticës.