Serbët nga Kosova besnikë të Vuçiçit, trafikantë droge

Mediat e Serbisë kanë raportojnë se Zoran Millojeviç, i njohur si Zela, është një nga përfituesit kryesorë të tregtisë me drogë në Serbi. I njohur si serb që vie nga Kosova, për afera kriminale në komunat veriore dhe jo vetëm, Zela kontrollon gjithçka lidhur me Partinë Përparimtare Serbe, SNS dhe Listën Srpska.

Në Serbi filloi një proces gjyqësor kundër kryetarit të komunë s së Knjazhevacit, Millan Gjokiç Kraka, biznesmenit kontravers Sokol Zhekoviçit dhe vëllait të tij.

Që të tre dyshohet se janë kapur në flagrancë me kokainë, me vlerë prej 300.000 euro. Megjithë se qenë arrestuar, për shkak të ushtrimit të ndikimit, u liruan pas tri ditësh. Redaksia e ekipit të gazetarëve hulumtues serbë “Rikoshet” është duke hetuar dhe ka dyshime se lirimi i tyre u bë për shkak të ryshfetit që i dhanë prokurores Sonja Miliçeviç dhe Ivan Markoviç, njeri shumë i fuqishëm dhe vendimmarrës për çështje të emrimeve nëpër gjykatat e Serbisë.

Megjithatë, “Rikoshet” e sheh këtë lidhje më të fortë dhe si më të thellë. Të arrestuarit për kokainë janë të lidhur me Zoran Millojeviç Zelën, serbin nga Kosova, i cili është njeri shumë i afërt i vëllait të Presidentit të Serbisë, Aleksandar Vuçiç, Andreas.

Më tej “Rikoshet” shton, se e njëjta strukturë, së bashku me kriminelë të tjerë janë të përfshirë edhe në vrasjen e Oliver Ivanoviçit