Serbët vazhdojnë protestat, KFOR rrit praninë në veri, SHBA-BE presion mbi Kosovën

Mëngjesi i sotëm në veri të Kosovës vjen vetëm me një ndryshim, rritjen e prezencës së Aleanca ushtarake të NATO-s ndërkohë protesta serbe vazhdojnë ashtu si dhe presioni i Shteteteve të Bashkuara dhe Bashkimit Evropian mbi institucionet e Kosovës.

Ndërkohë për momentin nuk ka tensione para godinave të komunave Zveçan, Zubin Potok dhe Leposaviç ku protestohet kundër hyrjeve të kryetarëve shqiptarë në këto godina.

Aktualisht qindra protestues serbë janë mbledhur në orët e hershme të mëngjesit në Zveçan, për të vazhduar protestën kundër kryetarit shqiptar të komunës, raporton RFE.

Zveçani ishte skenë e përleshjeve të dhunshme midis protestuesve dhe ushtarëve të misionit paqeruajtës të NATO-s, KFOR, por siç duket protestesit kanë marrë urdhëra të reja pas dhunës së 29 majit dhe vazhduan me protesta të qeta.

Kështu raportohet edhe në Leposaviç dhe Zubin Potok ku protestat nuk ishin të dhunshme si ato të vëllezërve kriminel serb!

Dhe deri sa protestat vazhdojnë Shtetet e Bashkuara dhe Bashkimi Europian kanë vazhduar me presionet ndaj institucioneve të Kosovës duke vazhduar të kursejnë ato të Serbisë, ndone dje mësuan të vërtetën për veriun nga Presidentja e Vjosa Osmanit në Moldavi, në sy të Presidentit të Serbisë, Aleksandar Vuçiç.

Anëtari i Komisionit për Punë të Jashtme të Senatit Amerikan, Chris Murphy, tha se Shtetet e Bashkuara duhet të angazhohen në mënyrë agresive në Ballkan dhe fajësoi autoritetet e Kosovës për tensionet aktuale në veri të vendit.

“Ne duhet të angazhohemi në mënyrë agresive në Ballkan për të mbrojtur paqen, sepse tani nuk mund ta përballojmë shuarjen e zjarreve të vërteta në atë rajon”, tha Murphy në një intervistë për National Journal, pas kthimit në Washington nga një tur ballkanik, raproton RFE.

Murphy, i cili u takua me kryeministrin e Kosovës, Albin Kurti, në Prishtinë, më 22 maj, u pajtua me Blinkenin se situata mund të ishte zgjidhur me diplomaci dhe jo me forcë.

“Ai nuk duhej të lëvizte aq shpejt me vendimin për t’i marrë ato ndërtesa komunale. Ai mund të priste dhe të përpiqej ta zgjidhte këtë nëpërmjet ndërmjetësve si Shtetet e Bashkuara,” tha senatori amerikan për Kryeministrin Albin Kurti duke vlerësuar se kjo situatë i dha Rusisë mundësi për të nxitur trazira.

“Rusia luan lojëra në Ballkan. Ajo përpiqet të nxisë përçarje dhe konflikte. Ajo shpreson se do të ketë konflikt në Ballkan, një konflikt real kinetik që do të largonte Shtetet e Bashkuara dhe Evropën nga konflikti në Ukrainë”, tha Murphy.

Murphy tha se shpreson që kur të qetësohet situata në veri të Kosovës, njerëzit ta kthejnë vëmendjen te zbatimi i Marrëveshjes së Ohrit për normalizimin e marrëdhënieve midis Prishtinës dhe Beogradit.

Ndërkohë Bashkimi Evropian iu bashkua thirrjeve të Francës dhe Gjermanisë për të mbajtur zgjedhje të reja në veri, dhe publikoi tre kërkesa të BE për Kosovën:

– Zgjedhje të reja tani

– Të sigurohet pjesëmarrja e serbëve të Kosovës në to

– Të nisë puna për themelimin e Asociacionit të komunave me shumicë serbe

“Dështimi për t’i bërë këto, do të ketë pasoja serioze në marrëdhëniet tona,” tha shefi i diploamcisë evropiane, Josep Borrell.

Ndryshe, tensionet në veri të Kosovës u rritën pas përpjekjes së Qeverisë së Kosovës për të vendosur ligjshmërinë me Policinë e Kosovës në Zveçan, Zubin Potok dhe Leposaviç, aty ku serbët nuk lejonin kryetarët e zgjedhur shqiptarë të fillojnë zyrtarisht punën edhe pse kishin dalë nga zgjedhjet e ligjshme dhe të pranuara ndërkombëtarisht.

Për situatën e krijuar SHBA dhe BE vazhdojnë dhe akuzojnë Kryeministrin Albin Kurti edhe pse dje Presidentja e Kosovës, Vjosa Osmani në një takim me Presidentin e Serbisë, Aleksandar Vuçiç, në Moldavi, ku ishin prezent edhe Presidenti i Francës, Emmanuel Macron, Kancelari i Gjermanisë, Olaf Scholz, dhe Përfaqësuesi i Lartë për Politikë të Jashtme dhe Siguri i BE-së, Josep Borrell, duke i kërkuar Vuçiçit që të largojë ushtrinë nga kufiri dhe t’i largojë bandat kriminale nga Kosova, i kërkoi të zbatojë listën e gjatë të marrëveshjeve të cilat nuk i ka zbatuar ndonëse ai paraqitet para palëve të tjera sikur i respekton marrëveshjet dhe publikisht del e thotë se nuk do t’i zbatojë!