Serbi, u ndalohet hyrja 300 shtetasve të huaj. A ka shqiptarë…

Më shumë se 300 shtetasve të huaj, kryesisht nga vendet fqinje, zyrtarisht u ndalohet hyrja në Serbi. Shumica prej tyre janë nga Mali i Zi dhe për shkak se rrezikojnë sigurinë kombëtare atyre u është ndalohet hyrja në Serbi.

Lista u zgjerua së fundi pas ekzekutimeve të shumta që u kryen në territorin e Malit të Zi, por edhe në Serbi, e ku kanë pësuar edhe personat e pafajshëm.

“Është e drejtë e çdo shteti që të mos lejoj futjen e dikujt brenda vendit të tij, dhe këtë të drejtë Serbia do ta shfrytëzoj. Për çdo njeri për të cilin vlerësohet se mund të kërcënoj sigurinë e Serbisë dhe qytetarëve të saj, do ti pamundësohet të futet në territorin tonë. Gjithë këta emra janë futur në sistem dhe nëse dikush prej tyre tenton të futet në Serbi ai do të ndalohet, si dhe do të dihet kur dhe në cilin vendkalim kufitar është paraqitur personi i cili është në listën e personave që u ndalohet hyrja, në momentin që pasaporta e tyre verifikohet,” thekson e përditshmja serbe “Blic” duke ju referuar një burimi nga strukturat e sigurisë serbe.

Në listën e atyre që ju ndalohet hyrja në Serbi, më së shumti ka pjesëtarë të grupeve kriminale nga Kotori i Malit të Zi, ai i shkalarve dhe kavaçkët. Në luftën e këtyre dy klaneve kriminale i cili vazhdon prej më shumë se tre vjet, janë vrarë mbi 20 persona, si nga njëra ashtu edhe nga pala tjetër, por kishte edhe viktima të pafajshme.

Shumica e përplasjeve nga territori i Malit të Zi janë zhvendosur në Serbi, duke u kërcënuar edhe siguria e qytetarëve serbë. Në krye të listës së “të ndaluarve” janë krerët e grupit kriminal “Shkalarci”, vëllezërit Jovica dhe Igor Vukotiç, si dhe bashkëpunëtori i tyre Igor Dedoviç. Nuk janë përjashtuar as krerët e grupit kriminal rival, Slobodan Kashçellan, të cilit, pasi u plagos para dy viteve në Novi Sad i është ndaluar hyrja në Serbi,  ashtu si edhe Rade Zvicerit dhe Igor Bozhoviçit.

Përveç krerëve të grupeve kriminale, hyrja në Serbi nuk i lejohet edhe bashkëpunëtorëve të tyre të ngushtë, por edhe njerëzve që kryejnë punë më të vogla për ta. Në këtë listë është edhe Ivan Deliç, i implikuar në vrasjen e ministrit të mbrojtjes, Pavle Bullatoviç, e i cili ishte në shënjestër të pjesëtarit të Klanit të Zemunit, Sretko Kalliniç. Gjithashtu në listë është edhe Vuk Vulleviç, i cili kishte lidhje me trafikimin e 200 kilogramëve kokainë nga Venezuela, por që më vonë u lirua.

“Njëri nga krerët e klanit të kavaçkëve është vrarë në Beograd. Në kryeqytetin serb përveç tij, gjatë këtij viti janë ekzekutuar edhe dy shtetas të Malit të Zi, Dallibor Despotoviç, i cili ishte i afërt me vëllezërit Sharanoviç, armiq këta të Lluka Bojoviçit dhe klanit të tij, dhe Georg Darmanoviç, i cili kishte shtetësi të Afrikës së Jugut. Ndalimi i hyrjes së personave të rrezikshëm është një masë që në të ardhemn të parandalojmë ekzekutime të këtij lloji, si dhe të ruajmë sigurinë e njerëzve tanë,” sqaron ky burimi gazetës.

Edhe pse shumica e personave të padëshiruar për Serbinë janë nga Mali i Zi, në këtë listë ka edhe boshnjakë për të cilët besohet se bashkëpunojnë me klanet e Kotorit, ose më saktë që ekzekutojnë rivalët e tyre. Në listë ka edhe kroatë që kanë marrë pjesë në trazirat që u zhvilluan në stadiumin e Partizanit.

Serbët “e ndaluar”

Dhe derisa janë të njohur emrat e atyre shtetasve të huaj që u ndalohet hyrja në Serbi, që kryesisht janë nga Mali i Zi, kjo e fundit nuk i ka bërë publike këta emra, por gjatë sezonit turistik pritet që kriminelët serbë më me zë të kthehen nga kufiri ose aeroportet Tivat dhe Podgoricë sic vepruan vitet e kaluara.

Vitin e kaluar, autoritetet malazeze kanë kthyer ish-kreun e klanit të Vozhdovcit, Vlladan Kontiçin i njohur si Konte, kreun e tifozëve të Cërvena Zvezdës, Ivan Bogdanov i njohur për trazirat në ndeshjen e Serbisë me Shqipërinë, si dhe Mirko Shijanin i cili është dëbuar nga qyteti i Budvës për shkak të pjesëmarrjes në një rrahje masive

Në fund duhet theksuar se derisa autoritetet e Malit të Zi kanë gjetur mekanizmat për ndalimin e hyrjes së kriminelëve serbë, këta të fundit me rastin e çdo aksioni të madh policor në Serbi, vazhdojnë të strehohen vetëm në veri  të Kosovës, aty ku paligjshmëria bënë Ligjin.