Serbia dhe Maqedonia e Veriut me pikë të përbashkët kufitare

Për herë të parë në një vendkalim kufitar me Serbinë, duke filluar nga sot, në vendkalimin Preshevë – Tabanovci në Korridorin 10, do të punojnë doganierët dhe policët kufitar serbë dhe maqedonas së bashku.

Fillimin e menaxhimit të integruar të kufirit sot në një ceremoni solemne e inauguruan kryeministrat e dy vendeve, Ana Bërnabiç dhe Zoran Zaev.

Shefi i doganës në Preshevë, Senad Radonçiç, tha se me zbatimin e Marrëveshjes për kontrollin e përbashkët, presim rritjes e sigurisë së udhëtarëve dhe parandalimin e trafikut të mallrave, në këtë pikë, ku rritja e numrit të udhëtarëve vazhdon.

“Të dhënat tregojnë se në muajin korrik të vitit 2018 kanë kaluar 1.3 milionë udhëtarë, dhe në korrik e këtij viti ishin 1.7 milionë. Kur është fjala për lëvizjen e mallrave, kemi një rritje prej 28.000 kamionëve. Deri më sot kishim dy ndalesa të trafikut të udhëtarëve dhe katër të transportit të mallrave. Me këtë Marrëveshje mund të presim një përshpejtim të madh me një kontroll të udhëtarëve dhe dy në transportin e mallrave, me një pritje mesatare prej 15 minutave,” sqaroi Radonçiç.

Kryeministrat e dy vendeve, pritet të firmosin tri Marrëveshje në Shkup.

Sipas ministrit serb të Tregtisë, hapja e vendkalimit të integruar të kufirit  është i një rëndësie të veçantë për ekonominë e dy vendeve duke pasur parasysh se eksporti serb në Maqedoninë e Veriut, vetëm vitin e kaluar ishte 628 milionë euro, që është më shumë se sa në Kinë, SHBA dhe Turqi së bashku.

Ndryshe, Marrëveshje për menaxhimin e integruar të kufirit, Kosova dhe Serbia kanë firmosur në Bruksel, BE ka investuar në realizimin e këtij projekti por Serbia refuzon ta aplikoj duke e kushtëzuar me krijimin e Asociacionit për komunat me shumicë serbe në Kosovë.