Serbia dhe Rusia përjashtohen nga ceremonia e 80-vjetorit të fillimit të Luftës së II-të Botërore

Më 1 Shtator, në Varshavë shënohet 80-vjetori i fillimit të Luftës së II-të Botërore. Nga Zyra e Presidentit të Polonisë u bë e ditur se janë ftuar shtetet anëtare të BE dhe NATO si dhe Partneritetit lindor, Azerbajxhani, Armenia, Bjelorusia, Gjeorgjia, Moldavia dhe Ukraina.

Në këtë ceremoni nuk janë ftuar Rusia dhe Serbia.

Kjo ka shkaktuar reagime të ashpëra në Beograd ku përveç Presidentit Aleksandar Vuçiç historianët serbë po akuzojnë Perëndimin për trajtimin që i bëhet Serbisë.

Ndryshe, elita serbe ka akuzuar rëndë botën perëndimore edhe për trajtimin që iu bë Serbisë në ceremoninë e 100 vjetorit të fitores në Luftën e I-rë Botërore që u zhvillua më 11 Nëntor 2018 në Francë. Sipas historianëve serbë dhe vet Vuçiçit, Serbia ishte në plan të dytë në këtë ceremoni, ndērsa pas trajtimit të lartë që iu bë Kosovës, e cila ishte në plan të parē, ata e konsideruan edhe fyerje.