Serbia eksporton 260 milionë euro më pak mallra në Kosovë

Zv/kryeministri dhe ministri i Tregtisë, Turizmit dhe Telekomunikacionit, Rasim Lajiç tha sot se Serbia ka eksportuar 260 milionë euro më pak mallra në Kosovë gjatë tetë muajve pas vendosjes së taksës, se sa në të njëjtën periudhë të vitit të kaluar.

“Dëmi përfundimtar në çdo rast do të jetë shumë më i lartë. Kur të hiqen taksat, kompanive tona do t’iu nevojitet shumë kohë për t’u kthyer në këtë treg, pasi konkurrenca rajonale është pozicionuar sapo i erdhi mundësia për këtë”, tha Lajiq për Agjencinë shtetërore serbe të lajmeve Tanjug.

Sipas Zv/kryeministrit të Serbisë, përparimi më i madh u arrit nga Greqia, e cila në muajin maj i rriti eksportet në Kosovë pothuajse 3.5 herë, Hungaria, Sllovenia, Bullgaria dhe Kroacia për dy herë dhe Maqedonia me rreth 50 për qind.