Serbia kërkon luftë/ Gjuriç me retorikë lufte, Vuçiç me ushtri dhe polici

Drejtori i Zyrës për Kosovën pranë Qeverisë së Serbisë,  Marko Gjuriç është paraqitur në një konferencë të jashtëzakonshme për shtyp pasi shefi i tij, Aleksandar Gjuriç kishte urdhëruar ushtrinë dhe policinë të jeni gati për luftë.

Prezencën e njësitit special ROSU, Gjuriç e quan të paligjshme dhe i referohet marrëveshjeve ndërkombëtare, për të cilat vetëm ai i din se ndalojnë Policinë e Kosovës të jenë prezent në çdo cep të vendit.

Duke e quajtur ROSU-n si formacion paraushtarak i cili, sipas tij, është i armatosur deri në dhëmbë dhe ka pushtuar liqenin e Ujmanin, tregon edhe arsyen e kësaj prezence:

“Thaçi dhe terroristët e tijë të armatosur e kanë bërë këtë, në mënyrë që Thaçi të lëviz lirshëm, del në foto dhe shetitet me varkë nëpër liqenin e Gazivodës. Për të realizuar këtë mision, i është dashur të largojnë dhe arrestojnë gjithçka në rrugë. Në qendrën për ekologji dhe zhvillim të sportit i kanë lidhur njerëzit dhe i kanë arrestuar me qëllim që ta marrin dhe ta frikësojnë gjithë popullin serbë në Kosovë,” foli sërish Gjuriç me gjuhën e një rrugaçi ndërsa akuzoi për këtë prezencë të ROSU edhe bashkësinë ndërkombëtare, si BE ashtu edhe NATO.

Në fund, Gjuriç duke e quajtur këtë prezencë të ROSU si agresion në veri të Kosovës, tha se shteti serb nuk do ta lejoj një gjë të tillë.

“Presidenti Vuçiç ka informuar përfaqësuesit ndërkombëtar se kjo lloj sjellje është e papranueshme dhe se në përputhje me Rezolutën 1244 do ta mbrojë popullin e tij,” tha Gjuriç duke bërë propagandë pa i ditur, jo kompetencat ndërkombëtare bazuar në Rezolutën 1244, por as të gojës së tij që ka kohë që prodhon vetëm retorikë lufte, dhe, në mungesë të një zgjidhje të Kosovës të pranueshme për Serbinë, prodhon tension i cili nuk rrezikon vetëm serbët në Kosovë por edhe gjithë rajonin.