Serbia nuk do të humb më 1 mln € në ditë në Kosovë! Vuçiç: Gati për dialog!

Serbia humb 1 mln € në ditë për shkak të masave të Qeverisë së Kosovës! Kështu u shpreh Presidenti i Serbisë, Aleksandar Vuçiç, por me zgjedhjen e Qeverisë së Hashim Thaçit me kryeministër Avdullah Hoti, ky makth serb ai vlerëson se ka marrë fund.

Dhe jo vetëm kaq! Me votimin e qeverisë së re të Kosovës, Presidenti i Serbisë, Aleksandar Vuçiç, e pranoi se dialogu do të mund të filloj menjëherë, pikërisht ashtu siç e kishte paralajmëruar Përfaqësuesi i BE në dialogun Kosovë-Serbi, Miroslav Laçak.  

“Është reale të ulemi dhe të bisedojmë, por pa kurrfarë taksa dhe kufizime. Unë jam i gatshëm gjithmonë, për mua shteti është më i rëndësishëm se sa çështjet partiake ose çështjet tjera,” tha Presidenti i Serbisë, Aleksandar Vuçiç, gjatë një vizite në Pazarin e Ri, duke konfirmuar deklaratën e Përfaqësuesit të BE në dialogun Kosovë-Serbi, Miroslav Lajçak, se deri në fund të muajit qershor mund të vazhdoj dialogu dhe se shtetet anëtare të Bashkimit Evropian dëshirojnë përshpejtimin e procesit.