Serbia nuk e ka të qartë, a do të përballet me kombëtaren e Zvicrës apo Shqipërisë dhe Kosovës!

Shefi i diplomacisë serbe, Ivica Daçiç nuk e ka të qartë ashtu si edhe çdo serb në këtë botë, se me kë do të ndeshet Serbia në Kupën e Botës në Rusi, me kombëtaren e Zvicrës apo siç u shpreh ish-zëdhënësi i Millosheviçit, me kombëtaren e Shqipërisë dhe Prishtinës, ndërkohë fitoren kundër Kostarikës e quajti hakmarrje për Kosovën.

“Tani çështja kryesore është se a po luajmë kundër kombëtares së Zvicrës apo Shqipërisë dhe Prishtinës. Ekzistojnë komente të ndryshme që kanë të bëjnë me serbët dhe shqiptarët para kësaj ndeshje, Shpresoj dhe dëshiroj të arrijmë rezultat sa më të mirë,” tha Daçiç ndërsa fitoren kundër Kostarikës e konsideroj si një hakmarrje për pranimin e Kosovës shtet të pavarur dhe sovran.

“Kostarika ishte shteti i parë i cili pa asnjë shkas e pranoi Kosovën. Se çfarë lidhje ka Kostarika dhe Kosova, as që e dijnë se ku i bjen Kosova. Dikush u ka thënë ta bëjnë këtë gjë. Fitorja ndaj kombëtares së Kostarikës ishte një hakmarrje e ëmbël,” tha Ministri i Jashtëm i Serbisë i cili përveç shprehjes së urrejtjes ndaj atyre që e rrespektojnë Kosovën, i kujtoi kësaj të fundit se cilët janë miqtë që duhet ti rrespektojnë dhe që nga viti 2008 i kanë çuar në harresë.