Sërish çmenden serbët, “Stoilkoviçi” i Vuçiçit kërcënon!

Krimineli Sllobodan Millosheviç e kishte një ministër të Brendshëm plotësisht të çmendur, jo të gatshëm për të bërë krim por i gatshëm për të bërë shumë krime, nëse merr urdhër nga nga shefi i tij, Millosheviç.

Pas 20 viteve, Presidenti i Serbisë, tashmë Aleksandar Vuçiç ka gjetur një “Stoilkoviç” por shumë më të çmendur se ai i Millosheviçit. Policia e Serbisë çdo ditë shkakton dhe kryen krime në territorin e Kosovës, dhe në mungesë të përgjigjes së duhur ai sot kërcënon shtetin e tërë të Kosovës.

Quhet Nebojsha Stefanoviç, për çudinë e të gjithëve e në veçanti ndërkombëtarëve, ky psikopat ishte edhe ministër i Drejtësisë.

Ai në televizionin publik  të Serbisë tha se të gjitha institucionet ndërkombëtare janë paralajmëruar dhe e dinë që presidenti i Serbisë do të vizitoj Kosovën, dhe duke mos dhënë detaje se çfarë do të bëjnë organet e sigurisë serbe lidhur me sigurinë e presidentit të Serbisë, tha se askush nuk mund ta arrestoj Aleksandar Vuçiçin.

“Nuk dua të flas publikisht se çfarë do të bëjmë, nuk do të rrijmë duarkryq por ajo që mund të garantoj është se nuk mund të paraqitet dikush atje që do ta arrestoj Aleksandar Vuçiçin. Këtë le ta harrojnë,” tha Stoilkoviçi i Vuçiçit duke mos u mjaftuar me kaq!

“Politikanët në Kosovës duhet të mendojnë seriozisht për të ardhmen e njerëzve që jetojnë në Kosovë,” vazhdoi ai me kërcënimet duke u gjuajtur më pas në rrafshin ndërkombëtar:

“Ekziston një zhgënjim serioz, për fat të keq, me veprim, të mos veprimit të Bashkimit Evropian. Kjo është ajo që më shqetëson,” tha ministri i Brendshëm i Serbisë, Nebojsha Stefanoviç duke akuzuar BE-në, e cila, e ka promovuar dhe favorizuar Serbinë që nga rënia e Millosheviçit, duke e shtypur dhe përçudnuar shtetin e Kosovës, i cili vetëm fal Shteteve të Bashkuara sot vazhdon të jetë shtet, pavarësisht llomotitjeve të Thaçit dhe Vuçiçit.

                                                          Dëshmitë e çmendurisë

Që serbët janë çmendur dëshmon edhe fakti se ekstremisti më i madh në qeverinë e Serbisë, ministri i Mbrojtjes, Aleksandar Vulin,  për të zbutur deklaratat e ministrit të Brendshëm del e fol për ndërkombëtarët e mirë duke i bërë ca korrigjime Stoilokoviçit të Vuçiçit, dhe për ti kujtuar qytetarëve serbë se nuk është Serbia ajo që kontrollon terirtorin e Kosovës, dhe sërish në RTS:

“Situara është komplekse. Ne jemi duke vëzhguar çfarë po ndodhë në terren, në atë masë sa na lejohet sepse ne nuk kontrollojmë territorin e Kosovës, por do të bëjmë gjithçka që është e mundur që të mos cenohet siguria e presidentit të Serbisë, Aleksandar Vuçiç,” tha Vulin.

Ministri i Mbrojtjes tha se e ka të qartë se gjthmonë ka ekstremist që mund ta cenojnë sigurinë e presidentit, të gjithë ata që nuk dëshirojnë zgjidhjen përfundimtare të çështjes së Kosovës, por kjo vizitë sipas tijë është një fitore ndërkombëtare e Vuçiçit.

“Kjo është e paimgjinueshme, që fuqitë e mëdha të jenë në anën e Serbisë dhe të thonë që mundësoni vizitën e presidentit të Serbisë, të bëjë pikërisht atë që kishte në mend, sipas planit të tij. Kjo për ne është fitore e madhe diplomatike dhe e qartë se gjërat kanë ndryshuar në bashkësinë ndërkombëtare, dhe jo rastësisht, por me punën e palodhshme të Vuçiçit që nga viti 2012,” theksoi Aleksandar Vulin para se presidenti i tij dhe i Nebojsha Stefanoviçit të nisej drejtë Kosovës.

Ndryshe, Presidenti i Serbis, Aleksandar Vucic, sipas RTS, pritet që sot në orën 14:30 të filloj vizitën në Kosovë.