Sërish ditë e zezë në Itali, 837 të vdekur; Epidemiologu: Gati për rënie!

Sërish ditë e zezë në Itali. Brenda 24 orëve janë shënuar 4.023 raste të reja me koronavirus ndërsa kanë vdekur 837 pacientë.

Deri më tani janë shënuar 105.792 të prekur me koronavirus 12.428 prej të cilēve kanë vdekur.

15.729 janë shëruar dhe aktualisht pozitiv në COVID-19, 77.635.

Numri i rasteve të reja është në rënie. Të enjten ishte 6.153, të premten 5.909, të shtunën 5.974 dhe të dielën 5.217.

“Kurba të cilën mund ta shohim flet se kemi arritur në një rrafsh. Kjo nuk do të thotë se kemi arritur në kulm dhe se ka mbaruar e gjitha, por do të thotë se duhet të bëhemi gati për rënie, e kjo është e mundur vetëm me zbatimin e masave ekzistuese,” tha epidemiologu i njohur italian, Silvio Brusaferro.