Sërish takohen liderët e koalicionit qeverisës

Liderët e koalicionit qeverisës të Kosovës janë duke mbajtur takimin e radhës në ndërtesën e Kuvendit, ku temë e takimit vazhdon të jenë taksa 100% ndaj mallrave serbe së cilës po i shtohet si çështje dialogu edhe pse ajo i është besuar Ekipit Negociator.

Në takim po marrin pjesë presidenti i Kosovës, Hashim Thaçi, si dhe partnerët e koalicionit, Ramush Haradinaj i AAK-së, Kadri Veseli i PDK-së, Fatmir Limaj i Nismës Socialdemokrate dhe Behgjet Pacolli i AKR-së.

Ndërkohë, sot pritet të takohet Ekipi Negociator ku do të votojë për platformën e dialogut me Serbinë.