Sesioni i ri parlamentar, Opozita nuk e lejon të flas Presidentin e Edi Ramës
Ndonëse opozita e paralajmëroj Presidentin e Edi Ramës të mos bëhet pjesë e skenarit të Kryeministrit sepse sot nuk do ti lejohet të flas, Bajram Begaj vazhdoi detyrën e tij që kishte marrë përsipër, për ti treguar opinionit se është opozita ajo që pengon jetën parlamentare ndërkohë ky kaos nuk e ka penguar Kryetaren e Parlamentit të votoj dekretet e presidentit për dy ministra të ri dhe zëvendësimin e një deputeti hajdut me një hajdut të ri!
“Ndjesë presidentit të Republikës që i pamundësohet fjala në Parlament,” tha Kryetarja e Parlamentit Lindita Nikolla pasi opozita kishte bllokuar foltoren ashtu siç kishte paralajmëruar Kryetari i Grupit Parlamentar të PD, Gazment Bardhi, kur sqaroi se nga Kuvendi dhe Presidenca nuk kishte marrë asnjë njoftim për pjesëmarrjen e Presidentit në seancën e parë plenare të këtij seksioni parlamentar.
Pas votimit të dy ministrave të rinj dhe zëvendësimin e deputetit socialist Arben Ahmetaj me Plarent Ndrecajn, Kryetarja e Parlamentit mbylli seancën.
Me mbylljen e seancës, Kryetari i Grupit Parlamentar të Partisë Demokratike, Gazment Bardhi, përpjekjen e Bajram Begajt për të marrë fjalën sot në parlamentar e cilësoi si një provokim të ulët, pasi ai është njoftuar prej kohësh se Paarlamenti nuk funksionon normalisht.
“Edi Ramës i jepet pushteti në tavolinë, nuk ka sistem proporcional. Ripërsëritja e një skenari që opozitarët e kanë parë në vitin 2020.
Sa i takon seancës së sotme, u njohëm përmes medias që Presidenti do jepte një mesazh. Zyrtarisht Presidenti është njoftuar se Kuvendi prej 3 muajsh nuk funksionon normalisht për shkak të mohimit të të drejtave tona.
Presidenti nuk është zgjedhur tani, ai nuk ka ardhur në disa sesione parlamentare për t’iu drejtuar Kuvendit. Ky ishte një provokim i ulët i presidentit të Republikës. I bëj thirrje të heqë dorë si i njëanshëm dhe vartës i mazhorancës dhe të respektojë kolltukun e Kreut të Shtetit,” tha Kryetari i Grupit Parlamentar të Partisë Demokratike, Gazment Bardhi, duke përfunduar:
“Nëse zoti Begaj zgjedh të sillet si vartës i Edi Ramës, atëherë ai do të trajtohet si i tillë nga opozita!”
