‘Sfidat e Ballkanit’, Rusia, Turqia dhe Kina, rrezik për rajonin
Diskutimi për çeshtje të rëndësishme që kanë të bëjnë më rajonin kanë qenë temë e diskutimeve në Forumin për Sfidat në Ballkanin Perëndimor, e organizuar nga ish-Sekretari Britanik i Mbrojtjes Lord Des Broëne dhe ish-Ministri i Mbrojtjes Fatmir Mediu, në bashkëpunim me ELN (Rrjeti Lidershipit Evropian). Aty u diskutua për probleme që kanë të bëjnë me Ballkanin Perëndimor, të ardhmen e tij evropiane, rolin e NATO-s, ndikimi rus dhe turk, interesin e Kinës për të investuar në sektorët strategjikë të lidhur me sigurinë etj.
Në këtë takim morën pjesë Përfaqësues nga SHBA, David Philips, i cili ngriti shqetësimin për ndikimin turk dhe vasalitetin e hapur të disa drejtuesve të rajonit ndaj Erdoganit dhe interesave jo transparente me Turqinë, këmbënguli për një zgjidhje përfundimtare të dialogut Serbi-Kosovë brenda 2019.
Po ashtu Perfaqësuesi i Austrisë, e cila merr Presidencën e radhës të BE, ish-Ministri i Mbrojtjes Fasslabend theksoi se kriza e emigracionit nuk duhet të anashkalojë zgjerimin e BE me vendet e Balkanit. Në takim ishin përfaqëësues nga parlamenti Britanik, Shqiperia, Zv Kryeministri Kosovës Hoxhaj, N/kryetari i Parlament Mali Zi dhe Serbisë, ish Ministri i Mbrojtjes Maqedonisë, kryetar i Mazhorancës në parlamentin Bullgar, Bosnja dhe drejtuesit e Asamblesë Parlamentare të OSBE, Presidenti Tsereteli dhe Sekretari i Përgjithshëm Montella.
Lordi Ded Browne vuri theksin në problemet e rënda të korrupsionit dhe krimit të organizuar. Sic thekson raporti i Dhomës së Lordëve, në Ballkan gjithnjë e me shumë po dominon fenomeni i kapjes së shtetit dhe qeverisja e kontrolluara nga një njeri.
Presidenti i Asamblesë Parlamentare të OSBE pasi vuri në dukje zhvillimet pozitive në rajon u ndal në nevojën e bashkëpunimit politik sidomos ne reforma te rëndësishm. Ai ritheksoi problemet e mëdha ne sistemin e drejtësisë shqiptare për shkak të bllokimit të Gjykatës Kushtetuese dhe Gjykatës së Lartë.
Kreu i republikanëve shqiptarë Fatmir Mediu si organizator i këtij forumi vuri në dukje faktin se mungesa e zgjedhjeve të lira dhe të ndershme është tregues i qartë i shmangies nga funksionimi demokratik i vendeve në rajon, ku korrupsioni dhe krimi i organizuar kane fituar pushtet politik dhe vendimarrës. Po ashtu theksoi nevojën që reformat e rëndësishme që kërkohen nga BE përveç formës, duhet të implementohen drejt në mënyrë që të shmangen situata si ajo me reformën në drejtësi në Shqipëri, e cila ka vendosur në kolaps dy gjykata të rëndësishme, atë Kushtetuese dhe Gjykatën e Lartë.
Retorika nacionaliste në rajon përdoret për qëllime të përfitimeve politike; shumë konflikte të fjetura mund të bëhen aktive. Ai theksoi se prezenca ushtarake ruse në rajon është një kërcënim për stabilitetin, ashtu si dhe tendenca për të kontrolluar besimet e ndryshme fetare, apo sistemin e edukimit, investimet jo transparente me interesa klienteliste dhe politike do të kenë pasoja për Ballkanin dhe te ardhmen e tij.
Prezenca Ruse, Turke apo Kineze në rajon eshte shtuar theksoi zoti Mediu, edhe per shkak të vakumit të krijuar sidomos mbas vitit 2009, nga SHBA dhe BE.
