Sfidon akuzuesit, Berisha prezanton Pr/Ligjin: Të hiqet parashkrimi për 2 veprat penale! Zyrtarët…
Edhe pse Kryetari i Partisë Demokratike, Sali Berisha, sot duke e prezantuar në mbledhjen e Grupit Parlamentar të Partisë Demokratike Projektligjin për heqjen e parashkrimit për Kryeministrin, zëvendës kryeministrat, ministrat dhe kryetarët e parlamentit, e cilësoi si masë parandaluese për traditën e drejtuesve socialistë që “humbin” me largimin nga pushteti dhe kthehen pasi kalon afati, me këtë Projektligj i dha përgjigje të gjithë atyre që e akuzojnë nga dita kur ai vendosi të rikthehet në politikë.
“Sot këtu kam sjellë projektligjin të cilin ose për të cilin jam prononcuar publikisht në parlament në debate të ndryshme dhe që ka të bëjë me heqjen e parashkrimit për Kryeministrin, zëvendës kryeministrat, ministrat, kryetarët e kuvendit dhe ish funskionarëve te sipërpërmendur. Ky ligj ka dy nene.
Neni 1. thotë: Nuk i nënshtrohen parashkimit veprat penale te korrupsionit për kryeministrin, zevednes kryeministrat, ministrat, kryetarët e kuvendit dhe ish funskionarëve të sipërpërmendur.
Neni 2: Ky ligj hyn në fuqi 15 ditë pas botimit në fletoren zyrtare,” u shpreh Sali Berisha duke rikujtuar se vetë KLSH ka raportuar një abuzim prej 8.2 mld euro.
“Ky ligj, mendoj unë, në kushtet e Shqipërisë kur vetë KLSH ka vërtetuar abuzimin nga kjo qeveri me të paktën me 8.2 miliarde euro, vjedhje e shpërdorime. Kur korrupsioni, vjedhja e ketyre zyrtare është bërë faktori, muri me i tmerrshëm për zhvillimin e këtij vendi dhe integrimin e tij. Kur është bërë gjeneratori i varfërisë së shqiptarëve, te gjithë problemeve të shtetit ligjor që e kane degraduar atë nën diktaturën komuniste të Vietnamit. Qeverisja është edhe më e korruptuar se diktatura komuniste e Vietnamit.”
Me përvojën nga qeveritë socialiste që deri më sot nuk dhanë llogari, Kryetari i Partisë Demokratike mendon se parashkrimi ndonëse e drejtë universale merr konotacion imunitar për njerëz të papërgjegjshëm:
“E drejta e parashkrimit është një e drejtë universale. Mirëpo kjo e drejtë merr një konotacion imunitar nga njerëz të papërgjegjshëm të cilët pasuritë i çojnë në of shore dhe vetë pasi largohen nga detyra ja mbathin dhe i shpëtojnë ligjit.
Mungesa e këtij neni për njerëz të papërgjegjshëm si puna e Ramës, Agaçit, Ahmetajt, Erion Velisë, ja mbadhin dhe kthehen pasi kalon afati. Ky parashkrim nuk do mund tu njihet këtyre,” shprehet Sali Berisha duke përfunduar:
“Kjo nuk bie ndesh me frymën e Kushtetutes. Vetë kushtetuta ka përcaktuar që në rrethana të veçanta mund të behet kufizim te drejtash. Dhe nese ka vend në botë që ka nevojë për këtë është Shqipëria. Prandaj ky Nen, respekton Kushtetutën, vetem se unë do kishe mendim që njerëzve tanë te ligjit tu sugjeroja tu vemë një afat edhe për 25-30 vitet që vijnë.”
