“Shantazhoi për organizatë kriminale”, Edi Rama sërish paralajmëron Pokurorin…
“Live: shqiperiaqeduam.al Mjafton një klik dhe gjen një mik” thekson Kryeministri duke anonçuar edhe sot takimin e përjavshëm me qytetarët që kanë marrë zgjidhje për problemet e tyre nga portali i bashkëqeverisjes, por Pokrurori Arjan Ndoj i cili bëri më shumë se një klik pranë kësaj Qeverie dhe partisë së saj, pasi u akuzua për shantazh për llogari të organizatës kriminale, sot u paralajmërua publikisht nga Edi Rama se nuk do t’i shpëtojë ndëshkimit, dhe se bashkë me prokurorët e gjyqtarët e tjerë të korruptuar, do të japin llogari për pasurinë e tyre.
Dhe jo vetëm kaq! Të gjithë prokurorët dhe gjyqtarët që shkarkohen nga Vettingu, tha Edi Rama, do të rikthehen për të dhënë llogari, ku përfshihet edhe Arjan Ndoji që guxoi të arrestoi nje nga drejtorët e Ramës që po tjetërsonte prona në Kadastrën e Durrësit.
“Ju e patë vetë javën e kaluar, të transformimit të një figure të sistemit të drejtësisë me përfaqësues të interesave të krimit, që sigurisht nuk do t’i shpëtojë ndëshkimit, por ama kur vjen puna te ndërhyrja në proces, kjo është e pamundur për qeverinë, për pushtetin ekzekutiv, sepse Kushtetua përcakton qartë kufijtë e çdo pushteti dhe kufizimet që ne kemi, pavarësisht se mund të jetë e drejtë ajo që qytetari kërkon.”
Me këtë rast ai ka dhe një mesazh për llumin e drejtësisë që i shërbeu atij dhe gjithë politikës sepse për dallim nga politika krimi ka paguar si prokruorët ashtu dhe gjyqtarët:
“Fatkeqësisht po shohim se pastrimi i llumit nga sistemi i drejtësisë ka dhe një efekt negativ, sepse shumë prokurorë e gjykatës që janë të zhytur deri në fyt, po e shfrytëzojnë pushtetin që ju jep ligji me moton ‘të kapin, çfarë të kapim’. Ata nuk kuptojnë që ndërtimi i sistemit të ri të drejtësisë kërkon kohë.
Ata që Vettingu i përjashton, do të rikthehen para prokurorëve dhe gjykatëse për të dhënë llogari për pasurinë e tyre, të jenë të sigurt. Edhe ata që bëjnë krime për të përfituar para të zezë, apo shpërblime të majme nga organizata kriminale, drejtësia mbi ta mund të vonojë dhe pak, por nuk do të harrojë,” tha Edi Rama.
