SHBA: 9 të vdekur si pasojë e motit të keq

Të paktën nëntë persona kanë humbur jetën, më shumë se 1 mijë fluturime janë anuluar dhe me mijëra vetë kanë mbetur pa energji elektrike në pjesë të ndryshme të SHBA, nga Teksasi në Miçigan, si pasojë e një stuhie masive dëbore, që u shoqërua sot edhe me breshër.

Sipas ekspertëve “rreziku i vërtetë pritet të vijë nga erërat e forta dhe akumulimi i akullit”.

Ndryshe, nga orët e pasdites, raporton VOA, rreth 200 mijë shtëpi e biznese vazhdojnë të jenë pa energji elektrike në Teksas, Luizianë, Misisipi, Arkansas, Tenesi, Ilinois dhe Miçigan.