SHBA dhe BE dënojnë vendimin e Kurtit, Edi Rama: Unë bashkohem me ta!

Dënimit që SHBA e BE i bënë veprimeve të Qeverisë Kurti në veri të Kosovës iu bashkua edhe Kryeministri i Shqipërisë, Edi Rama, por nuk është i shqetësuar për ushtrinë serbe që “vëllau” i tij Vuçiç dislokoi në kufi me Kosovën

Kryeministri i Shqipërisë, Edi Rama, mendon se ngjarjet në veri të Kosovës nuk e ndihmojnë procesin e normalizimit të raporteve mes Kosovës dhe Serbisë, përderisa miqtë shprehen të shqetësuar.

Përmes rrjetit socia “Twitter” i bashkohet miqve të Kosovës që ngjarjet e tilla janë të rrezikshme por asnjë fjalë për sjelljen kriminale të Aleksandar Vuçiç: 

“Unë bashkohem me ta në apelin për të moso ecur më tej në këtë shteg jo vetëm të rrezikshëm, po edhe krejt të panevojshëm sot, kur bota demokratike e ka vendosur në qendër të vëmendjes dialogun, normalizimin, njohjen e ndërsjellë mes Kosovës dhe Serbisë.”

Ndryshe, sot kryetarët e komunave në veri të Kosovës, Zveçan, Zubin Potok dhe Leposaviç, me asistimin e Policisë së Kosovës u vendosën në zyrat e tyre në objektet komunale.