SHBA dhe Izraeli nisin sulme kundër Iranit
Shtetet e Bashkuara dhe Irani kanë nisur mëngjesin e sotëm sulme në zona të ndryshme të Iranit, përfshirë qendrën e kryeqytetit, Teheran.
Presidenti amerikan, Donald Trump tha se Shtetet e Bashkuara kanë nisur operacione të mëdha luftarake në Iran, pasi ka qenë gjithmonë politikë e Shteteve të Bashkuara, se Irani nuk mund të ketë kurrë armë bërthamore.
“Objektivi ynë është që t’i mbrojmë amerikanët duke e eliminuar kërcënimin nga regjimi iranian, një grup i egër njerëzish të tmerrshëm”, ka thënë Trump përmes një videoje të publikuar në këtë rrjet.
Presidenti ka thënë se sulmet kanë ardhur pasi Shtetet e Bashkuara kanë tentuar vazhdimisht që të arrijnë marrëveshje me Iranin, por ky i fundit nuk ka pranuar.
Trump ka shtuar se tani “do t’i shkatërrojmë raketat e tyre dhe industrinë e tyre të raketave. Do të zhduken plotësisht”. Sipas tij, ky program i raketave po kërcënon bazat amerikane në afërsi dhe aleatët rajonalë.
“Ky regjim do ta mësojë shpejt se askush nuk duhet ta sfidojë forcën dhe kapacitetin e ushtrisë amerikane”.
Ministri izraelit i Mbrojtjes, Israel Katz ka shpallur “gjendje të jashtëzakonshme” në gjithë Izraelin.
Ministria e Punëve të Jashtme të Shqipërisë u bën thirrje qytetarëve shqiptarë në Izrael të tregojnë kujdes dhe të ndjekin me vëmendje njoftimet zyrtare.
Për çdo nevojë emergjente, qytetarët shqiptarë që gjenden në Izrael, janë të lutur të kontaktojnë në numrat: +972549042813 dhe +972544806601.
Ndërsa autoritetet e Kosovës u kanë bërë thirrje të gjithë shtetasve kosovarë që janë në Izrael të jenë të vëmendshëm dhe t’i respektojnë të gjitha udhëzimet e sigurisë të autoriteteve vendore.
Qytetarët e Kosovës që ndodhen në Izrael mund të kontaktojnë në këtë numër telefoni për ndonjë rast urgjent: 972 586 340450.
Kundërpërgjigjet Irani
Kryeministri izraelit, Benjamin Netanyahu, tha se sulmi i përbashkët amerikano-izraelit kundër Iranit do t’i krijojë kushtet për popullin guximtar të Iranit që të marrë fatin në duart e veta.
“Ka ardhur koha për çdo segment të popullit në Iran që të heqë thundrën e tiranisë nga (regjimi) dhe të krijojë një Iran të lirë dhe paqedashës,” tha Netanyahu përmes një deklarate.
Mediat e Irani dhe Izraelit raportojnë se Izraeli dhe Irani i kanë mbyllur hapësirat ajrore për fluturimet civile ndërkohë Ushtria izraelite e ka lëshuar një deklaratë duke thënë se pak kohë më parë ka identifikuar nisje të raketave prej Iranit në territorin e shtetit të Izraelit./RFE/
