SHBA dhuron 60 respiratorë/ Biznesit, Rama: Respektoni protokollin, mos t’ju sulim policinë!

Sot shteti shqiptar mori një dhuratë nga SHBA dhe NATO-s prej 60 respiratorë të rinj, në ceremoninë e së cilës Kryeministri Edi Rama tha se këto pajisje do të përdoren në vijën e parë të zjarrit për të mbrojtur jetë njerëzish nga COVID-19. Dhuruesit i falënderoi për ndihmën bujare, qytetarëve shqiptarë iu përgjërua për kujdes me COVID-19 ndërsa atyre që ushtrojnë aktivitetin e tyre në restorante e bare i porositi që të mos e e sfidojnë shtetin, të respektojnë protokollet sepse nuk është e vështirë që t’iu sul policinë!

“Ne kemi një fjalë se; miku i mirë njihet në ditë të vështira. 20 vite më parë kur lindi kjo marrëdhënie, mes Shqipërisë dhe NATO-s në një moment dramatik për botën, e cila përballej me një përshkallëzim si pasojë e terrorizmit. Jam shumë mirënjohës SHBA-ve që si gjithnjë dhe në këtë rast, janë treguar të vëmendshëm ndaj Shqipërisë dhe dua ta falënderoj në mungesë ambasadoren e SHBA-ve, e cila ma dha e para lajmin për këtë mbështetje kaq të çmuar. I jam mirënjohës të gjithë përfaqësuesve të pranishëm këtu, të vendeve aleate për të gjithë kontributin e tyre të çmuar në krah të forcave tona të armatosura. Mbase ky është momenti i duhur për të bërë dhe një retrospektivë në disa momente kur ne e kemi prekur nga afër mbështetjen e miqve tanë me ndihmën e ardhur Polonia, Holanda, Italia, Hungaria, SHBA-të, për pjesë të ndryshme të së njëjtës bazë materiale që duhet në përballimin e kësaj situate.”

Është e posaçme kjo që ndodh për një arsye të thjeshtë, tha me këtë rast Edi Rama, ndryshe nga momentet e së shkuarës, nuk është vetëm Shqipëria që ka nevojë për ndihmë, por të gjitha vendet.

“Dhe SHBA kaluan një moment të befasishëm kur kishin nevojë për ndihmë. Ishte momenti kur SHBA, Britania, Italia, Franca, kishin mungesë maskash, respiratorë, medikamentesh, pajisjes për këtë të keqe. Të gjitha vendet gjenden në një anije dhe që duhet të durojnë dallgë që godasin me të njëjtin intensitet. Solidariteti nuk ka munguar dhe as vëmendja për vende më të vogla. Ka një domethënie historike dhe të paharrueshme për ne. 60 respiratorët, për këtë dimër që do të jetë i vështir sipas parashikimit që bëjnë ekspertet në botë dhe tanëve në Shqipëri, janë kuptimplotë për aspektin e aktit dhe të gjestit, por dhe të ndihmës konkrete të fuqizimit të sistemit. Nga sot dhe këta respiratorë do të jenë në vijën në zjarrit për të mbrojtur jetë. Ndërkohë që ne jemi të aranzhuar që mos të lejojmë që kjo krizë shëndetësore të shndërrohet në krizë sigurie,” tha Rama duke e pranuar se përpara se të bëhej kryeministër nuk e kishte ditur dhe se kishte menduar reputacionin që gëzojnë forcat tona të armatosura në gjirin e NATO-s.

“Se kam ditur e menduar se në rreshtin e gjatë të ushtrime shumë më të mëdha, njerëzit tanë vlerësohen si ekselentë. Në të gjitha nivelet.”

Mesazh për pronarët e bareve dhe restoranteve

Me këtë rast Kryeministri edi Rama kishte dhe një mesazh të qartë për pronarët e restoranteve dhe bareve nëse nuk respketojnë prootokollet.

“Duke u ndalur tek situata me COVID-19, dua t’ju lutem, t’ju përgjërohem qytetarëve shqiptarë që mos ta bëjnë atë më të vështirë. Do ti lutem atyre që s’duan ta besojnë se sa e vërtetë dhe e vështirë është kjo luftë dhe mbyten në lugën e ujit të konspiracionit dhe të thashethemeve dhe llafeve që janë fukarallëk i klubeve dhe e përqeshin këtë luftë. I lutem atyre që ushtrojnë aktivitetin e tyre në restorante, në bare, që të mos e përqeshin rrezikun, të mos e sfidojnë shtetin. Të mos e konsiderojnë tolerancën tone dhe mirëkuptimin tonë për vështirësitë e tyre dhe mos të vënë në rrezik jetën e tyre dhe qytetarët. Janë protokolle që duhen respektuar. S’është e vështirë për ne që të sulim policinë në bare e restorante, por a është kjo që duam? Ata harrojnë se duke bërë kështu, rrezikojnë të kontribuojnë për mbylljen e lokalit dhe të marrin mbrapsht një goditje marramendëse. Nuk është koha që të shfrytëzojnë çdo metër katror. Përqeshja ndaj rrezikut do të ishte katrastrofik. Në Gjermani nuk të lë të ulesh afër në restorant. Pse? Është një lojë e Bill Gates për t’i vënë çipa, çunave të Laçit apo djemve të Vlorës. Apo duke i vënë çipa në gojë përmes gojës së këngëtarit. Apo çipi të pengojë zërin e këngëtarit të dasmës, është hata e madhe,” tha Rama duke e bërë të qartë se nuk duhet të bëhen ata që mbyllin dyert e shtëpive, të lokaleve, makinave dhe të mbeten peng i papërgjegjshmërisë, i përqeshjes së një rreziku real.

Sot je mirë dhe nesër je në tub!

Nëse gjerat nuk shkojnë mirë, pasnesër nuk je fare, tha Kryeministri Edi Rana ndërsa shprehu në fund edhe mirënjohje për ata që po luftojnë këtë realitet.

“Dua t’iu them të gjithëve se falë ministres së Shëndetësisë, nënë që e ka harruar familjen, vajzat e saj dhe që qëndron në krye të detyrës ditë natë, falë dhe skuadrës së saj, sot bluzat e bardha s’kanë halle mbi hall të mungesës së mjeteve për të luftuar. Spitalet tona janë me kapacitete të pota, por janë dhe 2 struktura të tjera që po presin. Në rast se do të kemi nevojë, janë të gatshme strukturat sipas qarqeve. Janë gati të gjitha medikamentet dhe ata që do të duhet të marrin pozicionin në vijën e zjarrit. Janë mjekë, infermierë, që trajtohen rregullisht.”