SHBA miratoi shitjen e armatimit për Izraelin me vlerë 20 miliardë dollarë

Sekretari amerikan i Shtetit, Antony Blinken, ka miratuar shitjen e avionëve luftarak dhe pajisjeve tjera ushtarake me vlerë mbi 20 miliardë dollarë Izraelit, ka bërë të ditur Pentagoni.

Përmes një komunikate, Pentagon bënë të ditur se Blinken ka miratuar shitjen e avionëve luftarak F-15 dhe pajisjeve me vlerë rreth 19 miliardë dollarë. Blinken gjithashtu ka miratuar shitjen e armatimit për tanke me vlerë 774 milionë dollarë si dhe mjeteve ushtarake me vlerë 583 milionë dollarë, saktëson Pentagoni.

Shtetet e Bashkuara vazhdojnë ta mbështesin Izraelin, si aleatin kryesor në Lindjen e Mesme, deri sa zhvillon luftën në Rripin e Gazës, pas sulmit të Hamasit më 7 tetor në jug të Izraelit.

Ndonëse e ka miratuar shitjen e armatimit për Izraelin, Washingtoni gjithashtu vazhdon përpjekjet për arritjen e një marrëveshje për armëpushim në Gazë, në mënyrë që t’a parandaloj zgjerimin e luftës në Lindjen e Mesme.