SHBA nuk i mbështetë masat jo të plota të Kurtit për heqjen e taksës

Qeveria e Kosovës, gjatë javës së ardhshme do të marrë vendim që nga data 15 mars, të hiqet tarifa për lëndën e parë që importohet nga Serbia dhe Bosnjë e Hercegovina. Këtë e ka konfirmuar kryeministri i Kosovës, Albin Kurti, në një konferencë për media.

Por, këto masa, të cilat çojnë hap pas hapi deri te heqja e taksës me kushte të caktuara, raporton RFE, nuk janë mbështetur nga Shtetet e Bashkuara.

I dërguari i Presidentit të SHBA, Donald Trump, për dialogun në mes Kosovës dhe Serbisë, Richard Grenell përmes një postimi në Twitter, thekson se nuk i mbështetë masat gjysmake të kryeministrit Kurti.

“Pozicioni ynë është mjaft i qartë: tarifat duhet të hiqen plotësisht. Kurti është duke bërë një gabim serioz – dhe kjo i është bërë sot e qartë presidentin Hashim Thaçi në Shtëpinë e Bardhë”, thekson Ambasadori Grenell.

Ndërkohë vendimi i prezantuar nga Kurti ka sjellur në situatë kaotike në koalicionin qeversiës me LDK-në. Vendimin nuk e ka mbështetë Zv/Kryeministri Avdullah Hoti por është pritur me superlativa ka nënkryetari i LDK-së, Lutfi Haziri.

Ndërsa opozitarët Kadri Veseli i PDK dhe Ramush Haradinaj i AAK e kanë pritur me tone të ashpëra.

“Të paktën, ta respektonte të drejtën e autorit. Sepse, vendimi i tij për taksën dhe reciprocitetin qenka huazuar nga ideja e propozimit tim të janarit të vitit 2019, të cilin, si çdo gjë tjetër, ai e pat refuzuar,” tha Veseli ndërsa Ramushi iu kthye toneve të atij kritikuesit të demarkacionit para se të vinte në pushtet:

“Sonte Albin Mashtruesi u dorëzua para Serbisë. Ky është fillimi i kthimit të Serbisë dhe Rusisë në Kosovë. Albin Mashtruesi nga sot je përgjegjës për ripushtimin ekonomik të Kosovës nga Serbia.”