SHBA ratifikon protokollin për anëtarësim të Maqedonisë së Veriut në NATO
Me 84 vota për dhe 2 kundër, Senati amerikan ratifikoi sot Protokollin për anëtarësim të Maqedonisë së Veriut në NATO ndërsa 14 senatorë nuk morën pjesë në votim.
Ratifikimi i Protokollit të anëtarësimit deri tashmë është votuar nga shumica e shteteve që janë anëtare të NATO-s, përfshirë edhe Shqipërinë, por ky votim nga Shtetet e Bashkuara nxitë dhe ato shtete që deri më tani nuk e kanë ratifikuar këtë protokoll ndonëse gjithmonë e kanë mbështetur anëtarësimin e Maqedonisë së Veriut në Aleancën Veriatlantike.
Ndryshe, Maqedonia e Veriut ka qenë peng i mosmarrëveshjeve për emrin me Greqinë, por ky ngërç, i cili prej shumë vitesh u bë pengesë e aspiratave të shtetit fqinj gjeti zgjidhje nga arritja e Marrëveshjes së Prespës mes Zoran Zaev dhe Aleksis Tsipras.
