SHBA të mos ndihmoj ushtarakisht Izraelin, Rusia: Milimetrat na ndajnë nga katastrofa!
Zv/Ministri i Jashtëm i Rusisë, Sergei Ryabkov, paralajmëroi se ndihma direkte ushtarake e Shteteve të Bashkuara për Izraelin mund të destabilizojë rrënjësisht situatën në Lindjen e Mesme, ku sulmet ajrore midis Iranit dhe Izraelit kanë vazhduar për gjashtë ditë.
Sergei Ryabkov tha, sipas Agjencisë ruse të lajmeve Interfax, se Rusia po paralajmëron Shtetet e Bashkuara të mos ofrojnë ndihmë të tillë për Izraelin, madje as të mos i shqyrtojnë opsionet e tilla spekulative.
“Ky do të ishte një hap që do të destabilizonte rrënjësisht të gjithë situatën,” citoi Agjencia ruse e lajmeve Interfax, Zv/Ministrin e Jashtëm të Rusisë, Sergei Ryabkov
Rusia: Milimetrat na ndajnë nga katastrofa
Ndërkohë zëdhënësja e Ministrisë së Jashtme të Rusisë, Maria Zakharova, tha sot se bota është “milimetra larg nga katastrofa” për shkak të sulmeve të përditshme izraelite ndaj infrastrukturës bërthamore të Iranit, njoftoi Agjencia shtetërore ruse e lajmeve RIA.
