SHBA tërhiqet, zyrtarët serb: Gjykatën e Hagës do ta financoj Soros! Edi Rama hesht!
Pas vendimit të administratës Trump që SHBA-të të tërheqin ose pezullojnë pjesëmarrjen dhe financimin e 31 institucioneve nën kujdesin e OKB-së, nga gjithsej 66 organe ndërkombëtare, përfshirë ato që kanë ndikim të drejtpërdrejtë në Ballkanin Perëndimor, me Mekanizmin Ndërkombëtar i Mbetur për Gjykatat Penale, IRMCT, dhe bartësin formal të trashëgimisë së Gjykatës së Hagës, ICTY, si dhe Këshillin e OKB-së për të Drejtat e Njeriut, UNHRC, Beogradi zyrtar nuk fsheh gëzimin meqë pa financat amerikane Mekanizmi do të shembet dhe serbët që ndodhen nëpër burgje në të gjithë Evropën së shpejti do të lirohen sipas vendimit të Gjykatës së Hagës, por, nuk fshehin as hidhërimin se me tërheqjen e SHBA nga Mekanizmi i Hagës do të ketë dhe ndikim në gjykimet e shqiptarëve të akuzuar për krime kundër popullit serb në Kosovë, që po zhvillohen në Gjykatën Speciale në Hagë.
Por, ajo që habitë në rastin e Serbisë derisa Kryeministri Edi Rama që kërkonte lirimin e Ish-Presidentit të Kosovës, Hashim Thaçit, heshtë, është fakti se Beogradi zyrtar paralajmëron se financimin e Gjykatave në Hagë mund ta marrë George Soros, ndonëse dihet që ky njeri është mik i shtrenjtë si u Vuçiçit ashtu dhe Ramës! Apo e gjithë kjo heshtje është e qartë duke pasur parasysh natyrën prej frikacaku të Edi Ramës dhe faktin se si u arrestua Maduro, pasi, gjithashtu dihet, se George Soros është i akuzuar nga Presidenti Trump si drejtues i organizatës kriminale që duhet të hetohet nga RICO!
“Mendoj se tërheqja e SHBA-së nuk do të jetë e plotë, por do të shoqërohet me forma të tjera veprimi. Pozicioni i të akuzuarve shqiptarë, të cilët përgjigjen para Mekanizmit Special në Hagë, sipas të gjitha gjasave do të ketë një mrbojtje shtesë, sepse lobi i tyre amerikan do të punojë edhe më intensivisht se më parë,” thotë për të përditshmen serbe “Veçernje Novosti”, Zhivadin Jovanoviç, Ministër i Punëve të Jashtme i Jugoslavisë së kriminelit Slobodan Milosheviç dhe themelues i Forumit të Beogradit për një Botë të Barabartë, ndërsa kujton se si u krijua Gjykata e Hagës në kundërshtim të plotë me Kartën e Kombeve të Bashkuara, sepse Këshilli i Sigurimit nuk ka autoritetin kushtetues për të krijuar institucione të tilla.
“Çështja e legjitimitetit të Gjykatës së Hagës dhe pasardhësit të tij, mekanizmit të mbetur, nuk ngrihet, ai është një fëmijë formal i sistemit të OKB-së. Është në thelb e vërtetë se SHBA-të janë një kontribues i madh në Mekanizëm dhe se me tërheqjen ato nuk kanë më detyrimin për ta financuar atë, gjë që sigurisht do të jetë një goditje për personelin, pronën dhe gjithçka që i përket, përfshirë arkivin e madh,” thotë Jovanoviç për të përditshmen serbe që kontrollohet nga Presidenti i Serbisë, duke siguruar se Gjykatën Speciale të Hagës për krimet e luftës në Kosovë do ta financoj Fondacioni Soros:
“Këtu duhet të kemi parasysh një moment të rëndësishëm, se shumë organizata, institucione dhe korporata private financojnë Gjykatën e Hagës, pra Mekanizmin, përfshirë Fondacionin jashtëzakonisht të fuqishëm Soros. Fakti është se edhe pa buxhetin amerikan, ka shumë burime private financimi, kështu që pavarësisht uljes së kostove dhe personelit, do të ketë burime që do të vazhdojnë të paguajnë për mekanizmin e mbetur.”
Ndryshe, Presidenti i Shteteve të Bashkuara, Donald Trump, gjatë një interviste për Fox News ka siguruar se miliarderi George Soros jo jetë çështje e RICO ndërsa e ka akuzuar për përfshirje në organizimin e protestave të dhunshme në SHBA, vetëm disa ditë pasi në rrjetin e tij social Truth, e quajti Sorosin dhe grupin e tij, Psikopatë, që i kanë shkaktuar dëme të mëdha vendit.
Ligji RICO, Racketeer Influenced and Corrupt Organizations Act, parashikon ndëshkime të rënda për ata që drejtojnë ose janë të përfshirë në organizata kriminale. Dënimet mund të arrijnë deri në 20 vjet burg dhe gjoba të mëdha financiare.
