Shefi i Aleancës Veriatlantike: Nesër, Finlanda anëtare e NATO-s! Reagon Moska

Nesër Finlanda edhe zyrtarisht do të bëhet anëtare e NATO-s, ka bërë të ditur zyra e presidentit finlandez ndërsa e konfirmoi dhe Sekretari i Përgjithshëm i NATO-s, Jens Stoltenberg.

“Anëtarësimi i Finalndës nesër në NATO do të jetë një ditë e mirë për sigurinë finlandeze, sigurinë nordike dhe NATO-n në tërësi. Kjo është gjithashtu mirë edhe për Suedinë. Qëndrimi i NATO-s për kandidaturën e Ukrainës ngelet i pandryshuar, Ukraina do bëhet anëtare e Aleancës,” tha sot Stoltenberg. 

“Jashtëzakonisht e rëndësishme është që dera e NATO-s është e hapur, çfarë do të bëjmë nesër, kur Finlanda bëhe anëtare me të drejta të plota. Këtë do ta demonstrojmë edhe kur të finalizohet procesi i anëtarësimit të Suedisë, shpresojmë në të ardhmen e afërt,” tha kreu i NATO-s. 

Pas kësaj deklarate ka reaguar menjëherë Moska zyrtare përmes Zv/Ministrit të Jashtëm, Aleksander Grushko duke theksuar se Rusia do të forcoj kapacitetet e saja ushtarake në rajonet perëndimore dhe veriperëndimore si përgjigje në anëtarësimin e papritur të Finlandës në NATO nesër, raporton Agjencia shtetërore e lajmeve RIA.