Shehi: Strategjia e Ramës është që t’ju lodhë, por protesta për Teatrin do të…

Dashamir Shehi, deputet i opozitës, i është bashkuar protestës së artistëve dhe qytetarëve para Kuvendit të Shqipërisë, që kundërshtojnë draftin ligjor të qeverisë, sipas të cilit godina aktuale e Teatrit Kombëtar shembet dhe ndërtohet një tjetër, bashkë me të paktën 6 kulla.

“Dashamirës të Teatrit, dashamirës të këtij qyteti.

Ne ju falënderojmë për rezistencën që keni bërë, fatkeqësisht debati nuk ka filluar akoma.

Kjo është një strategji e PS-s që të lodheni dhe ju, sepse vapë është.

Ne ju falënderojmë që keni ardhur. Kjo është lëvizja më e madhe civile që është bërë në Shqipëri.

Deri më sot njerëzit kanë dalë për interesat e tyre, për rrogat, por për herë të parë po dalin për artin kulturën qytetin, urbanistikën, që në mendjen e shqiptarit kanë qenë të largëta deri dje, ndaj ne ju falënderojmë për kontributin që keni bërë.

Do të mbahet mend gjatë kjo që keni bërë.

Ata do bëjnë ç’të munden për paratë e veta ne do të bëjmë ç’të mundim për idealin dhe larine”, tha Shehi.