Shembet Ish-Hotel “Adriatiku”, gjendet trupi i pajetë i Visar Behramit

Pas rreth 8 orë të operacionit të kërkim-shpëtimit, është gjetur trupi i pajetë i punëtorit 27 vjeçar i cili mbeti nën rrënoja pas shembjes së Ish-Hotel “Adriatikut” në Mitrovicë.

Pas gjetjes së trupit të pajetë të 27 vjeçarit nga Mitrovica, Visar Behrami, kryetari i komunës së Mitrovicës, Agim Batiri, të martën e 23 Prillit e ka shpallur ditë zie.

Ndryshe, katër punëtorë kanë qenë duke punuar në Ish-Hotelin “Adriatiku” në Mitrovicë, në momentin e shembjes, tre prej tyre kanë arritur të dalin, derisa një ka mbetur nën rrënoja.