Shembet Tregu Elektrik, protesta kundër Erion Veliajt

Sot Bashkia e Tiranës ka filluar shembjen e Tregut Elektrik ndërsa tergtarët e hedhur në rrugë akuzuan sot kreun e bashkisë se po u shemb biznesi dhe se po i largon nga vendi pa u siguruar një ambient tjetër.

Zgjidhjen për tu zhvendosur në Shkozë nuk e pranojnë pasi sipërfaqa është tejet e vogël ndërsa Bashkia e Tiranës nuk ka pranuar kërkesat e tregtarëve duke urdhëruar fadromat prishjen e Tregut Elektrik, tregtarët protestëne zhvendosën para Bashkisë së Tiranës.

“Kemi 25 vjet që punojmë te ky treg, minimalisht janë 250 tregtarë me nga një punëtor minimalisht bëjnë 500. Shumëzoji për 4-500 familje i thonë 2000 veta që hanë bukë te ky tregu këtu. Ka qenë moçal, e kemi pastruar vetë dhe e kemi kthyer në treg,” tha njëri prej tregtarëve të pakënaqur ndërkohë një tjetër tregoi dhe si u trajtuan nga Bashkia ndonëse janë taksapagues të rregullt:

“Të na krijojnë infrastrukturën, të na thonë ku do të ikim.Nuk na kanë dhënë asnjë alternativë. Alternativa ikni ku të doni! Se kush është ai drejtor i bashkisë atje, ikni se nuk kemi punë me ju, boll keni hëngër bukë!”

Përveç se shkelje, tregtarët shprehen se po u hiqet mundësia për tu siguruar të ardhura familjeve.

“Ne na kanë konsideruar si tregtarë të palicencuar, ne jemi të gjithë me licencë. Nuk jemi tregtarë ambulantë. Ka ardhur urdhri për prishjen e tregut. Bashkia Tiranë të na sistemojë në një vend, nuk jemi që të mos prishet tregu. Nuk jemi zaptues, aty na ka vendosur bashkia e Tiranës”.

Kjo është zhvendosja e tretë e Tregut Elektrik brenda një 10 vjeçari, ku kërkesat e tregtarëve nuk merren parasysh.