Shembje panoramike, rruga Shëngjin-Velipojë nuk e tradhton Edi Ramën, përfundon si gjithë të tjerat!
Pranverën e këtij viti shqiptarët kishin frikë të shikonin rrjetet sociale sepse në çdo çast ju shfaqej Rruga Panoramike Shëngjin–Velipojë, e cila, sipas videove të postuara nga patronazhistët në krye me Blendi Fevziun, ishte hap për qarkullimin e automjeteve.
Kështu, për vetëm 15 kilometra të ndërtuara nga Edi Rama u bë hataja, dhe, për çudi askush nuk e tregonte “panoramiken” e vuajtjeve se si shkohet deri në Shëngjin, për të shkuar në Velipojë, ose dhe në Velipojë, për të shkelur në këtë rrugë panoramike që të shkosh në Shëngjin!
Dhe, në momentin kur u krijua ideja që ky segment rrugor, me gjatësi 15 kilometra, dhe investim të Fondit Shqiptar të Zhvillimit me 3.8 milionë euro, do të tradhëtoj Edi Ramën dhe do të jetë ndërtimi i vetëm i rrugës që nuk shembet, doli në pah cilësia e Gener 2 dhe besnikëria e Bashkim Ulajt ndaj mretit, duke sjellur shembje nga kjo rrugë panoramike të ditës së dielë të 7 dhjetorit.
Kështu, deri më sot, rruga panoramike Shëngjin-Velipojë ishte dëshmi e rrallë se rruga është ndërtuar dhe nuk është shembur edhe pse aty ka shkelur rilindja e Edi Ramës! Sot kronikanët janë më të qetë, jo nga ilaçet që nuk i jep kjo qeveri, por, nga çarja e rrugës pranë fshatit Rrjoll që nuk tradhtoi Edi Ramën!
Nëse dikush mendon se patronazhistët nuk kanë se çfarë të thonë, meqë nuk postojnë pamje nga shembja panoramike, e kanë shumë gabim, tashmë telallët e qeverisë do të thonë se këto janë gjëra që ndodhin, dhe, është kompania ndërtuese ajo që ka detyrim ligjor të ndërhyjë për çdo problematikë deri në prill të vitit 2026 kur do të dorëzohet projekti.
Sot, patronazhistët nuk kishin kohë të merren me këtë shembje panoramike meqë duhet të sulmojnë shfaqjet e Kryetarit të PD, Sali Berisha, nga kremtimi i Ditës së Rinisë, dhe opinionin e gjërë ngelën pa e indoktrinuar, nga ana tjetër, shqiptarët normalë janë të qartë, ata nuk kanë nevojë për ilustrim, mjafton fakti që rruga është ndërtuar nga Bashkim Ulaj dhe ministre ishte Belinda Balluku, që rruga të konsiderohet e shembur ose do të shembet pajtjetër!
