Shëndetësia e re/ Financim-Autonomi-Profesionalizëm, Basha: Paga minimale 1200 euro për mjekët, 700 për infermierët

Kryetari i PD-së, Lulzim Basha, duke folur në Konferencën “Sfida dhe vizione në shëndetësi” konstatoi se shëndetësia falas rezuloti një gënjeshtër kriminale ndërsa aktualisht koncesionet në shëndetësi vjedhin 35-40 milionë euro në vit. Ndërkohë duke shpalosur vizionin e Partisë Demokratike, Basha tha se tri shtyllat e shëndetësisë së re janë: Financim-Autonomi-Profesionalizëm ndërsa pagat minimale me ardhjen në pushtet të PD, menjëherë do të bëhen 1200 euro për mjekët dhe 700 euro për infermierët.

“Në prill të vitit të kaluar deklarova se sistemi shëndetësor është në vdekje klinike, apo në gjendje kome. Si rezistova dot tundimit që të përdorja termin e shëndetësisë. Kontributi im dhe i gjithsecilit është i shënuar në këtë publikim. Ku jemi sot?! Sot jemi dhe më keq.

Sot sistemi shëndetësor në vend renditet i fundit. Nuk ka një tregues ku sistemi shëndetësor mos të jetë i fundit. Po të marrim në krahasim Bosnjën, shpenzimet nga xhepi të shqiptarëve kanë arritur dy herë më shumë se në këtë shtet. Shkak është bërë vjedhja e hapur me aferat korruptive, përmes PPP-ve. Janë vjedhje përmes kontratave. Problemet janë të qarta; nuk ka shëndetësi falas. Është një parullë mashtruese. Barra e ka thyer në mes shëndetësinë shqiptare.”

Kjo, tha Lulzim Basha, ka tejkaluar dhe sistemin e decentralizmit komunist.

“Centralizimi i sotëm ka tejkaluar dhe parametrat e regjimit komunist. Kjo është vjedhje me afera korruptive me PPP-të. Sot tagrapaguesit më të varfër në Europën gjeografike janë shqiptarët. Lëmë pas një shtet që po na afrohet me shpejtësi. Kjo është krizë e rëndë dhe e përditshme. Faturën se paguajnë vetëm profesorët, stazhierët, por dhe pacientët dhe familjarët e tyre.”

Duke i deklaruar luftë të hapur parimeve të ndërtimit të një sistemi shëndetësor, kjo qeveri i ka kthyer në armiq pacientët.

“Pagat e mjekëve dhe personelit mjekësor janë më të ulëta në Europë. E dëgjuar se ça tha dje; “do kthejmë mjekët nga diaspora”. E dëgjuat?! Ne ditë për ditë nga ikin mjekë nga vendin. A ka kufi marrëzia?! Ti del dhe harxhon mijëra leke për monitorë për të thënë pallavra! Po ti mbaj këta mjekë që ke këtu njëherë. Sot jemi një mjek për një mijë banorë. Se dimë se ku do jemi nëse nuk e ndalim këtë dhe shpejt. Se dimë ku do jemi kur të mblidhemi përsëri,” tha Kryetari i Partisë Demokratike ndërsa shpalosi projektin demokrat për shëndetësinë me ardhjen në pushtet:

“Ne do ta nisim me rritjen e financimit dhe mirëmenaxhimin e fondeve, do ta nisim me anulimin e të ashtuquajturave koncesione. Me çlirimin e 35 milionë milionë eurove në vit për shëndetësinë që sot përfundojnë në 3-4 duar dhe sot bashkëndahen me pushtetarët e korruptuar do të jetë një mundësi e mirë për të filluar. Me rikonceptim total të institucioneve të kujdesit shëndetësor, të konceptit spitalit – sipërmarrje. Me kujdes shëndetësor parësor të organizuar në shtëpi shëndeti përmes mjekut – profesionist i lirë, që do të konsultohet me të gjithë ju.”

Këto ndërhyrje, vlerësoi Kryetari i Partisë Demokratike, Lulzim Basha, janë esenciale për të rritur cilësinë e shërbimit shëndetësor dhe eliminuar shpërdorimin e tyre politik ndërsa sqaroi dhe funksionimin e tri shtyllave të shëndetësisë së re “Financim-Autonomi-Profesionalizëm” ku dhe u zotua edhe për pagat mininmale me të ardhur në pushtet:

“Spitali autonom do të bëjë të mundur që të mos mungojnë asnjë barnat dhe ekzaminimet. Kjo mënyrë e re e funksionimit të spitale, që do të krijojë marrëdhënie të tjera ndërmjet mjekurt dhe spitalit. Përveç kontratave ‘full time’ do të kemi dhe kontratat e shërbimit si dhe mjekun e familjes, profesionistë të lirë, do të bëjë të mundur që të paktën në fazën e parë ne të jemi në gjendje të zbatojmë përkushtimin dhe angazhimin tim dhe të PD-së që pagat e personelit shëndetësor të rriten në mënyrë të menjëhershme me 1200 euro për mjekët dhe 700 euro në muaj për infermierët, si një pagë minimale dhe masë e domosdoshme për ti vënë fre apo filluar kontrollin në masë të personelit shëndetësor.”